Psalm 28 - De Beebaa Dabu

Se Psalm nii David

¹ Tagi Maolunga, au e hagahi goe; go koe dogu baba makaga, aude bonodia luoo dalinga i de au. Noo koe e dee muu mai, gai au e bei donu dangada gu hulo laa gi de mommee o de gau maakau.

² Hagalaangona dogu dangidangi adu koe gi abodonu mai, i de masavaa oogu e dangi adu ai i de bale, ma dagu haalo adu ai luoogu lima gi doo mommee dabu mmao.

³ Aude gaavee gee au madali de gau baubau, ma gilaadeu e haia de baubau; go gilaadeu e pasa danuaa ange gi dangada ange laa, aagai olaadeu lodo go de baubau donu huu iai.

⁴ Hagao ina ange gilaadeu gi bei alaadeu hegau, ma alaadeu hegau baubau. Hagao ina ange alaadeu hegau ne hai, hagaahea ange alaadeu hegau baubau gi gilaadeu.

⁵ Go hiidinga gilaadeu e hagangadi mee hegau a Tagi Maolunga, ma ana hegau hagalele mouli ne hai, ia e oha naa gilaadeu gai e dee hagaahe age naa donu.

⁶ Hagadegi ina Tagi Maolunga, go hiidinga ia gu hagallongo dogu dangidangi ange i dono abodonu.

⁷ Go Tagi Maolunga ogu mahi ma dagu mee hungihungi; au e hagadonu ia, gai au gu kave de bale i ono daha. Au gu malangilangi mmao, gai au e hagaahe ange de abodonu gi de ia i taahili.

⁸ Go Tagi Maolunga e hagammahi ina ono dangada, gai go ia de mommee buibui makaga e hagaola ai de ia aana gu hagadabu i de lolo.

⁹ Hagaola ina doo huaadangada ma de hagamanuuia dangada o doo boolonga; gai koe gi hagaloosi ina ma de saabai gilaadeu ga hano ai.