Psalm 26 - De Beebaa Dabu

Se Psalm nii David

¹ Tagi Maolunga, koe gi daalaa bolo au e heohi, go hiidinga au e seesee i de heohi; au e hagadonu Tagi Maolunga, au e dee lua lodo donu.

² Tagi Maolunga, hagataalea ange ma gi diiloo ogu dagodo; gai hagataalea ange dagodo o ogu lodo ma agu hagasaele.

³ Go hiidinga doo aloha e hano i ogu mada i mua, gai au e daudali adu i de goe i de muna abodonu.

⁴ Au e dee noho madali de gau hadu muna, aabe hagabuni ange gi gilaadeu e daahanga ina dangada;

⁵ au e kino i de hagabuulinga e haia de baubau, gai au e dee lodo e noho madali de gau baubau.

⁶ Tagi Maolunga, au e hhui luoogu lima i dogu dee haisala, ma de holiage luu baasi doo mommee o ssigidaumaha;

⁷ au e hai gi laumalie dogu leo e tala tuhi ai goe, ma de tala dagodo o au hegau hagalele mouli alodahi.

⁸ Tagi Maolunga, au e malangilangi i de hale oou iai, go de mommee iai doo mahamaha.

⁹ Koe gi dee gaavee dogu mouli madali de gau haisala, aabe go de kave dogu mouli madali de gau daa dangada,

¹⁰ go dangada e haia denga hagatau baubau, go gilaadeu e gaavee denga ngadi gaavange hagasenga.

¹¹ Aagai au e seesee i de muna abodonu; hagaola ina mai au ma de abodonu mai gi de au.

¹² Au gu duu i de mommee soe, gai au ga tuhi ai Tagi Maolunga madali de hagabuulinga soa.