Psalm 149 - De Beebaa Dabu

¹ Duuhia Tagi Maolunga! Daahili ange gi Tagi Maolunga i taahili hoou, dono tuhi gi haia i daho de hagabuulinga o de gau dabu.

² De gau Israel gi malangilangi i de ia ne haia gilaadeu; dangada o Zion gi lodo danuaa i delaadeu Hodooligi.

³ Gilaadeu gi duuhia dono ingoo i de aanu, ma de hagadangidangi i de tambourine ma de lyre.

⁴ Go hiidinga Tagi Maolunga e malangilangi i ono dangada; ia e hagamahamaha gilaadeu e lodo maolalo i de hagaola.

⁵ De gau dabu gi malangilangi i de mahamaha nei, ma de daahili i de lodo danuaa i honga olaadeu moenga.

⁶ Gilaadeu gi hevaalogi gi duuhia de Maadua, gai gi boogia alaadeu gadilaasa kangi baasi lua i lodo olaadeu lima,

⁷ e sui ange ai hegau a denga huaahenua, ma de hagaduasala ai denga huaadangada ange laa;

⁸ ma de noonoa olaadeu hodooligi i denga seeini, olaadeu gau aamua e noonoa i daula iron;

⁹ e hagasula ai de hagaduasala gu lava laa i de sisi. Deenei de hai e hagadubu ai ono dangada dabu alodahi. Duuhia Tagi Maolunga!