Psalm 137 - De Beebaa Dabu

¹ Gimaadeu ne nnoho i gaogao denga saalingaa vai i Babylon ga tangi ai, i de masavaa amaadeu ne manadua ai Zion.

² Gimaadeu ne hagalau age amaadeu harp gi honga de manu somo go de willow i kilaa.

³ Dangada ne gaavee gee gimaadeu ne hai gimaadeu gi huudia amaadeu daahili; gilaadeu e hagammae ina gimaadeu ne hai gimaadeu gi huudia denga daahili hagamalangilangi, gai ne hai mai, “Huudia mai dahi oodou daahili mai i Zion!”

⁴ Dee hee demaadeu hai e hua ai dahi daahili a Tagi Maolunga i dahi henua gee?

⁵ Jerusalem, noo au gu ngalo goe, gai dogu lima madau gi ngalo de hai e hagadangidangi ai!

⁶ Gai dogu alelo gi lau, noo au gu dee manadua goe, noo au e dee hai Jerusalem go dogu mee e malangilangi mmao ai.

⁷ Tagi Maolunga, manadua mee a de gau Edom ne hai, i de laangi o Jerusalem ne oohaa ai. Gilaadeu ne hagataba, “Oohaa ina, oohaa iho donu gi sula age tagelo!”

⁸ Dangada o Babylon, gu hagamodu e daa gi maakau, e manuuia tangada e suuia adu oodou hegau ne hai mai gi gimaadeu.

⁹ E manuuia tangada e booboogia au gaagaa ga hagailiili ange gi denga hadu.