Psalm 130 - De Beebaa Dabu

Se daahili ange gi de loage ⌊e hulo gi Jerusalem⌋

¹ Tagi Maolunga, au e dangi adu gi de goe i de daemaha ogu lodo;

² Dogu Ia Aamua, hagalaangona dogu leo. Anga mai hagalaangona dogu dangidangi adu koe gi abodonu mai.

³ Tagi Maolunga, noo koe e golo age de baubau, de Ia Aamua, gai goai ai naa e maua i de duu?

⁴ Aagai koe e degi ange gi haisala o dangada, gai gi maatagu ai gilaadeu i de goe.

⁵ Au e tali ange Tagi Maolunga, dogu hagasaalunga e tali, gai au e tali hagalodolodo ange gi ana muna;

⁶ dagu tali ange de Ia Aamua e kii ange i de tali a de gau dagitilo de ao de mee, e kii ange i de tali a de gau dagitilo de ao de mee.

⁷ Israel, goodou tali hagalodolodo ange gi Tagi Maolunga! Go hiidinga Tagi Maolunga e abodonu mmao, gai ia e honu dana hagaola.

⁸ Ia e hagaola naa donu Israel mai i olaadeu baubau alodahi.