Psalm 13 - De Beebaa Dabu

Ange gi tagi o taahili. Se Psalm nii David

¹ Tagi Maolunga, dee hee maa taulooloa dau hagangalo au? Dee hee maa taulooloa dau hagammuni luoo mada i de au?

² Dee hee maa taulooloa dagu hagasaele i ogu lodo, ma de daemaha ogu lodo mai i taiao ga boo ai? Dee hee maa taulooloa de kii o ogu hagadaumee i de au?

³ Tagi Maolunga dogu Maadua, anga mai ma gi basa mai gi de au. Hagamaalama ina luoogu mada, gi dee magau ai au,

⁴ gai gi dee hagadaba ai dogu hagadaumee, “Au gu hagadee kii ia;” gai ogu hagadaumee gu malangilangi i dogu baguu.

⁵ Aagai au e hagadonusia doo abodonu; au e malangilangi i dau hagaola.

⁶ Au e daahili ange gi Tagi Maolunga, i hiidinga dono abodonu mai gi de au.