Psalm 129 - De Beebaa Dabu

Se daahili ange gi de loage ⌊e hulo gi Jerusalem⌋

¹ Israel gi hagataba, “Gilaadeu ne hagaduasala ngau mai i dogu gauligi.

² Gilaadeu ne hagaduasala donu au mai i dogu gauligi, aagai gilaadeu tee maua gi kii i de au.

³ De gau hagabalabala gu hagalagolagohia lo togu dua, ma de hai gi lloa alaadeu daanunga.”

⁴ Aagai Tagi Maolunga e heohi; ia gu duuduu daula a de gau baubau ma gu hagaola mai au.

⁵ Dangada alodahi e kino i Zion gi hagadookaa ina ma de hagadee kii ina!

⁶ Gilaadeu gi bei denga helii i tua denga hale, e mmae laa i mua delaadeu somo age;

⁷ gai e sogoisi donu huu, e dee maua gi honu ai lo te lima o tangada hagihagi, aagai e dee duu ai dahi noodanga.

⁸ Gai dangada e seesee i kilaa gi dee hagataba, “De hagamanuuia a Tagi Maolunga gi dagodo i oodou elunga; gimaadeu e hagamanuuia goodou i de ingoo o Tagi Maolunga.”