Psalm 128 - De Beebaa Dabu

Se daahili ange gi de loage ⌊e hulo gi Jerusalem⌋

¹ E manuuia gilaadeu alodahi e maatagu i Tagi Maolunga, ma de seesee i ono haiava.

² Koe e gai naa hua o au hegau, gai koe manuuia naa ma de duadonu.

³ Doo bodu e bei naa de grapevine e hua lagolago i doo hale; au dama e bei naa denga uli o de olive i luu baasi doo deebele.

⁴ Tilo, tangada e madagu i Tagi Maolunga e manuuia.

⁵ Tagi Maolunga gi hagamanuuia ina goe mai i Zion, gai koe gi gidee de duadonu o Jerusalem i taulooloa o doo mouli.

⁶ Koe gi mouli ga dae ai gi dau gidee dama a au dama. De baba gi dagodo i Israel!