Psalm 124 - De Beebaa Dabu

Se daahili nii David ange gi de loage ⌊e hulo gi Jerusalem⌋

¹ Israel gi hagataba: Noo Tagi Maolunga tee bale mai gimaadeu,

² noo Tagi Maolunga tee bale mai gimaadeu, i de masavaa a dangada ne hebagi mai ai gi gimaadeu,

³ ma de masavaa ne kona ai delaadeu llili i gimaadeu, gai gilaadeu ne odi donu i de maakau;

⁴ gimaadeu gu bei dagodo o dangada gu daahea i tolona, gai de mee mmilo gu dai haoli gimaadeu,

⁵ gai de mee mmilo mmahi ne momo ange huu gu kave gee gimaadeu.

⁶ Hagadegi ina Tagi Maolunga, ia tee dugu ange gilaadeu gi hangahanga ina gidaadeu i olaadeu niho.

⁷ Gidaadeu gu ola bei de manu lele gu ola mai laa i ssele a tangada dili manu; ssele laa gu modu gai gidaadeu gu ola!

⁸ Taadeu bale go de ingoo o Tagi Maolunga, go de ia ne haia de langi ma henua i lalo.