Psalm 121 - De Beebaa Dabu

Se daahili ange gi de loage ⌊e hulo gi Jerusalem⌋

¹ Au e dangage age ga galo age gi denga mounga. Go hee e humai ai dogu bale?

² Dogu bale e humai i daho Tagi Maolunga, go de ia ne haia de langi ma henua i lalo.

³ Ia e daohi luoo vae gi dee baguu ai goe; de ia e dagidiiloo adu goe e dee seni donu.

⁴ Tilo, de ia e dagidiiloo ange Israel e dee dai seni donu aabe seni.

⁵ Go Tagi Maolunga e dagitilo adu goe; Tagi Maolunga go doo mee hagalilo i doo baasi madau;

⁶ de laa e dee hagalagohia goe i de laangi, gai de maasina e dee hagammae hogi goe i de boo.

⁷ Tagi Maolunga e hagaloosi naa goe mai i mee baubau alodahi; ia e hagaloosi naa doo mouli.

⁸ Tagi Maolunga e hagaloosi goe i mommee alodahi oou e hano aagena, mai iainei ga hano ai e dee ngado mai.