Psalm 120 - De Beebaa Dabu

Se daahili ange gi de loage ⌊e hulo gi Jerusalem⌋

¹ Au ne hagahi ange Tagi Maolunga i dogu duasala, gai ia ga basa mai gi dagu dangidangi.

² Tagi Maolunga, hagaola ina mai au i de gau hadu muna ma gilaadeu e daahanga ina dangada.

³ Tangada e daahangadia dangada, se aha naa a de Maadua e hai adu gi de goe, gai se aha ange naa aana e gaavadu gi de goe?

⁴ Ia e hagaduasala naa goe i denga dao kangi a taane hebagi, ma maga ahi o de manu go de broom.

⁵ Gu vakaa loo au, au gu noho gaainga i Meshek, gai e noho i de mommee iai hale malo o Kedar!

⁶ Gu daulooloa mmao dogu noho madali gilaadeu e kino i de nnoho paba.

⁷ Au se dangada e lodo i de noho baba; aagai de masavaa oogu e tala ai dagodo o de baba, gai gilaadeu e llodo i de hebagi.