Psalm 12 - De Beebaa Dabu

Ange gi tagi o taahili; e hua madali de Sheminith . Se Psalm nii David

¹ Tagi Maolunga, balea mai au, i hiidinga gu deai donu dangada heohi e doe; gu deai donu dangada e hai hegau i de mee abodonu e doe i daho dangada.

² Dangada alodahi gu hagadau hadu muna; alaadeu muna e hagasegesege ange dangada i de mee hhadu.

³ Tagi Maolunga gi duuduudia malaungudu e hagasegesege ina ange dangada, ma de alelo e basa hagamaolunga,

⁴ e hagataba laa, “Denga malaungudu nei go gimaadeu e huahua ai; e deai donu se dangada e dagina gimaadeu.”

⁵ “Go hiidinga de gau hagaau aloha e vaivai haia, gai gilaadeu e duasala e gonogono,” e hagadaba Tagi Maolunga, “Au e hidi age naa. Au e hai naa gilaadeu gi nnoho paba bei olaadeu lodo.”

⁶ Muna a Tagi Maolunga e dee haisala donu, e bei dagodo o selevaa gu hagagilimalali laa i de ahi i e hidu hanonga.

⁷ Tagi Maolunga, go koe e diiloo mai gimaadeu, ma de buibui gimaadeu mai i de atangada nei ga hano ai.

⁸ De gau baubau e hulo gi mommee alodahi, i de masavaa a dangada e tuhi ai de mee hakino gee.