Psalm 116 - De Beebaa Dabu

¹ Au e aloha i Tagi Maolunga, i hiidinga ia ne hagallongo dogu leo, ma dogu dangidangi i de abodonu.

² Ia ne huli mai dono dalinga gi de au, deenei ai, au e hagahi ange ia i taulooloa dogu mouli.

³ Denga daula o de magau gu vini au; de hagaduasala o de magau gu haoli au; gai au gu dee baba ma de manavasaa.

⁴ Gai au ne hagahi ange de ingoo o Tagi Maolunga, ga hai ange, “Tagi Maolunga, au e dangidangi adu, hagaola ina mai au!”

⁵ Tagi Maolunga e degi ma de heohi, taadeu Maadua e honu i de lodo aloha.

⁶ Tagi Maolunga e buibui gilaadeu e hagaaloha; de masavaa oogu ne duasala ai, gai ia ne hagamouli au.

⁷ Dogu hagasaalunga, koe gi ahe ange gi noho baba, go hiidinga Tagi Maolunga gu abodonu adu gi de goe.

⁸ Koe gu hagaola dogu mouli mai i de magau, ma de ssolo loimada i luoogu mada, aama de daohi luoogu vae gi dee baguu ai au.

⁹ Tagi Maolunga, au e seesee i mada luoo mada i de masavaa oogu e mouli ai.

¹⁰ Au ne hagadonusia, gai ga hagadaba naa donu au, “Au gu duasala mmao.”

¹¹ Gai au ne hagadaba i dogu madagu, “Dangada alodahi ni dangada hadu muna.”

¹² Se aha aagu e hagao ange ai Tagi Maolunga i de laumalie dono abodonu mai gi de au?

¹³ Au e daohi age de ubu o de hagaola, ma de dalodalo ange gi de ingoo o Tagi Maolunga.

¹⁴ Au e hagasula naa agu hagatoo donu ange gi Tagi Maolunga, i madamada o ono dangada alodahi.

¹⁵ Se mee hagamogomogo i daho Tagi Maolunga de maakau o ono dangada dabu.

¹⁶ Tagi Maolunga, go au donu doo dangada hai hegau; go au doo dangada hai hegau, go tama daane a doo hahine hai hegau; koe gu tala ogu mee e nnoa ai.

¹⁷ Tagi Maolunga, au e hai ssigidaumaha o de hagadegi, aama de hagahi adu goe.

¹⁸ Au e hagasula naa agu hagatoo donu ange gi Tagi Maolunga, i madamada o ono dangada alodahi,

¹⁹ i lo te buibui o de hale o Tagi Maolunga, i de aduhale go Jerusalem. Duuhia Tagi Maolunga!