Psalm 113 - De Beebaa Dabu

¹ Duuhia Tagi Maolunga! De gau hai hegau o Tagi Maolunga, duuhia ia, duuhia de ingoo o Tagi Maolunga.

² Hagadegi ina de ingoo o Tagi Maolunga mai iainei ga hano ai e dee ngado mai.

³ Gai hagadegi ina de ingoo o Tagi Maolunga mai i de sobo age o de laa ga dae ai gi de danu!

⁴ Tagi Maolunga e aamua ange i denga huaahenua alodahi, dono mahamaha e maolunga ange i de langi.

⁵ Gai goai e bei dagodo o Tagi Maolunga taadeu Maadua; go de ia e noho i dono nohoanga maolunga,

⁶ gai go de ia e ino iho e tilo honga de langi ma henua i lalo?

⁷ Ia e hai gi hiihidi age de gau hagaau aloha mai i lodo gelegele, gai e hai gi tuu age gilaadeu e duasala mai i lodo lehu;

⁸ ia e hai gilaadeu gi nnoho madali de gau aamua, madali gilaadeu e dagina ono dangada.

⁹ Ia e gaavange naa gi de hine dee hua dahi huaabodu, gai ia gi se dinana e malangilangi i ana dama. Duuhia Tagi Maolunga!