Psalm 11 - De Beebaa Dabu

Ange gi tagi o taahili. Se Psalm nii David

¹ Go Tagi Maolunga de buibui oogu e gai ange aagena. Gai gu aha gu hai mai ai naa goodou gi de au, “Hannoo mmuni i de mounga bei dagodo o dahi manu lele?

² Tilo, de gau baubau gu dada alaadeu mee hholu; gilaadeu gu hagaulu ange denga dao gi alaadeu mee hholu i de mommee gohu e tili ai dangada e heohi olaadeu lodo.

³ De masavaa e oha ina ai denga dagelo, gai ni aha naa a tangada heohi e maua i de hai?”

⁴ Tagi Maolunga e noho i lo tono temple dabu; Tagi Maolunga e noho i honga dono nohoanga i de langi. Luoono mada e daumada; luoono mada e hagatale dagodo hegau a dangada.

⁵ Tagi Maolunga e tilo dagodo o dangada heohi, aagai ia e kino i de gau baubau, ma gilaadeu e vaivai haia dangada.

⁶ Ia e hai naa gi loiho gi honga o de gau baubau de ahi ma maga ahi ula; gai tuuhanga i lodo alaadeu ubu go de madangi hagavvela.

⁷ Go hiidinga Tagi Maolunga e heohi, ia e lodo mmao i de hagamodu heohi, gai go gilaadeu e heohi e gidee luoono mada.