Psalm 101 - De Beebaa Dabu

Se Psalm nii David

¹ Au e daahili i hiidinga doo abodonu ma dau hagamodu heohi, Tagi Maolunga, au e daahili ma de tuhi goe.

² Au e dagitilo naa donu, gi dee haisala ai au; go aahee maa oou e humai ai gi ogu daha? Au e hai hegau naa i de lodo se muna abodonu i dogu hale.

³ Au e dee dugu naa donu dahi mee hakino gee i mada luoogu mada. Au e kino i hegau a dangada e daahuli gee i de goe; au e dee daudali ange donu i alaadeu dahulinga.

⁴ Au e aau gee i ogu daha de lodo hakino gee; au e dee hai hegau donu i de baubau.

⁵ Au e daa naa gi magau tangada e hagabaubau ina dahi dangada; au e dee golomagi naa donu ogu lodo ange gi tangada e galo hagamaolunga ma de lodo maolunga.

⁶ Au e daumada gilaadeu e hai hegau i de muna abodonu i honga de henua, gai gilaadeu ga nnoho ai i ogu daha. Tangada e dee haisala i dono hai e hai hegau ai, go ia e hai hegau mai gi de au.

⁷ E deai donu se dangada e hai hegau hagasenga e maua i de noho i dogu hale; gai e deai donu se dangada hadu muna e maua i de noho madali au.

⁸ Denga daiao alodahi gai au e daa naa gi maakau de gau baubau alodahi i honga de henua, ma de hai gi deai dangada baubau i de aduhale o Tagi Maolunga.