Nehemiah 7 - De Beebaa Dabu

De hili o denga dagi

¹ Gai de masavaa huu ne lava ai de buibui, gai au gu hagabigibigi ange ono abaaba ma de hili ange dangada e hagaloosia denga haitoga, ma de gau daahili, aama denga daane de aamuli o Levi.

² Gai au ne hili dogu daina daane go Hanani, ma Hananiah tagi o de hale dagitilo gi dagina Jerusalem, go hiidinga ia se daane e hai hegau i de muna abodonu ma de madagu i de Maadua, gai e deai ange donu se daane e bei ono dagodo.

³ Gai au ne hai ange gi gilaau, “Gooluu e dee hhuge denga haitoga o Jerusalem ga dae ai gi de masavaa e hagavvela ai de laa. Gai de masavaa o de gau hagaloosi goi hai hegau ai, gai gilaadeu gi bonodia denga abaaba ma gi hagamakaga ina. Gai hilia hogi de gau hagaloosi mai i dangada e nnoho laa donu i Jerusalem, dahi ma dahi gi duu gi hagaloosia gaogao dono hale donu.”

⁴ Gai de masavaa laa gai de aduhale gu lahalaha ma de laumalie, gai e sogoisi donu dangada e nnoho ai, tigi ai hogi hale ne hagatuu.

Dangada ne aahe mai gi de henua

⁵ Gai dogu Maadua ne gaamai gi ogu lodo de hagabuni de gau aamua, ma denga dagi ma de gau ange laa gi siia olaadeu ingoo ma olaadeu atangada. Gai au ne gidee dahi beebaa e daohi ai ingoo o dangada, ne aahe mai laa gi de henua i taamada, gai au ne gidee mee ne sisi i ono lodo:

⁶ Aanei de gau de henua a Nebuchadnezzar, de hodooligi o Babylon, ne kave laa gi Babylon. (Gilaadeu ne aahe mai gi Jerusalem ma Judah, dahi ma dahi ne ahe ga hano gi dono aduhale donu;

⁷ gilaadeu ne loomai madali Zerubbabel, ma Jeshua, ma Nehemiah, ma Azariah, ma Raamiah, ma Nahamani, ma Mordecai, ma Bilshan, ma Mispereth, ma Bigvai, ma Nehum, aama Baanah). Aanei ingoo o de gau Israel ne daohi:

⁸ de hagadiilinga o Parosh se 2,172

⁹ de hagadiilinga o Shephatiah se 372

¹⁰ de hagadiilinga o Arah se 652

¹¹ de hagadiilinga o Pahath-Moab, go dangada i huaabodu o Jeshua ma, se 2,818

¹² de hagadiilinga o Elam se 2,254

¹³ de hagadiilinga o Zattu se 845

¹⁴ de hagadiilinga o Zaccai se 760

¹⁵ de hagadiilinga o Binnui se 648

¹⁶ de hagadiilinga o Bebai se 628

¹⁷ de hagadiilingaa o Azgad se 2,322

¹⁸ de hagadiilinga o Adonikam se 667

¹⁹ de hagadiilinga o Bigvai se 2,067

²⁰ de hagadiilinga o Adin se 655

²¹ de hagadiilinga o Ater (mai i Hezekiah) se 98

²² de hagadiilinga o Hashum se 328

²³ de hagadiilinga o Bezai se 324

²⁴ de hagadiilinga o Hariph se 112

²⁵ de hagadiilinga o Gibeon se 95

²⁶ dangada oma Netophah se 188

²⁷ dangada o Anathoth se 128

²⁸ dangada o Beth Azmaveth se 42

²⁹ dangada o Kiriath Jearim, ma Kephirah, aama Beeroth se 743

³⁰ dangada o Ramah ma Geba se 621

³¹ dangada o Mikmash se 122

³² dangada o Bethel ma Ai se 123

³³ dangada o Nebo ange laa se 52

³⁴ dangada o Elam ange laa se 1,254

³⁵ dangada o Harim se 320

³⁶ dangada ose 345

³⁷ dangada o Lod, ma Hadid aama Ono se 721

³⁸ dangada o Senaah se 3,930

³⁹ De gau haimeedabu: de hagadiilinga o Jedaiah, mai i de huaabodu o Jeshua, se 973

⁴⁰ de hagadiilinga o Immer se 1,052

⁴¹ de hagadiilinga o Pashhur se 1,247

⁴² de hagadiilinga o Harim se 1,017

⁴³ De aamuli o Levi: de hagadiilinga o Jeshua, (mai i Kadmiel ma Hodaviah) se 74

⁴⁴ De gau daahili: de hagadiilinga ose 148

⁴⁵ De gau hagaloosi haitoga: de hagadiilinga o Shallum, ma Ater, ma Talmon, ma Akkub, ma Hatita, aama Shobai se 138

⁴⁶ De gau e hai hegau o de hale daumaha: go hagadiilinga o Ziha, ma Hasupha, ma Tabbaoth,

⁴⁷ ma Keros, ma Sia, ma Padon,

⁴⁸ ma Lebana, ma Hagaba, ma Shalmai,

⁴⁹ ma Hanan, ma Giddel, ma Gahar,

⁵⁰ ma Reaiah, ma Rezin, ma Nekoda,

⁵¹ ma Gazzam, ma Uzza, ma Paseah,

⁵² ma Besai, ma Meunim, ma Nephussim,

⁵³ ma Bakbuk, ma Hakupha, ma Harhur,

⁵⁴ ma Bazlith, ma Mehida, ma Harsha,

⁵⁵ ma Barkos, ma Sisera, ma Temah,

⁵⁶ ma Neziah, aama Hatipha.

⁵⁷ Hagadiilinga o de gau hai hegau o Solomon: go dana a Sotai, ma Sophereth, ma Perida,

⁵⁸ ma Jaala, ma Darkon, ma Giddel,

⁵⁹ ma Shephatiah, ma Hattil, ma Pokereth-Hazzebaim, aama Amon.

⁶⁰ Gai de gau hai hegau o de hale daumaha ma hagadiilinga o de gau hai hegau o Solomon se 392

⁶¹ Gai aanei dangada mai i Tel Melah, ma Tel Harsha, ma Kerub, ma Addon, aama Immer, aagai gilaadeu tee maua i de hai gi too donu bolo olaadeu dubuna madagidagi ma olaadeu hagadiilinga ni dangada Israel donu:

⁶² go hagadiilinga o Delaiah, ma Tobiah, aama Nekoda se 642

⁶³ Gai mai i de gau haimeedabu: go de hagadiilinga o Hobaiah, ma Hakkoz, ma Barzillai (go taane ne hai bodu ange laa gi dahi damaa hine a Barzillai, taane Gilead, gai ia ne kave de ingoo o dono saulaba).

⁶⁴ De gau nei ne ssala olaadeu ingoo i lodo beebaa e sisi ai laa ingoo, gai tee gidee e gilaadeu; deelaa ai, gilaadeu gu dee gilimalali ma tee dau madali de gau haimeedabu.

⁶⁵ Gai de goobenaa ne hai ange gilaadeu gi dee gaina gai dabu, ga dae ai gi de dahi dangada haimeedabu e hagamodu ina mee nei i de Urim ma de Thummim.

⁶⁶ Taelodo o dangada alodahi se 42,360,

⁶⁷ gai olaadeu daane ma haahine hai hegau se 7,337; olaadeu daane ma haahine daahili se 245.

⁶⁸ Alaadeu hoosa se 736, alaadeu mule se 245.

⁶⁹ Alaadeu gamelo se 435, alaadeu donkey se 6,720.

⁷⁰ Gai hanu dagi o denga hagadiilinga ne daohi age hanu mee e hai ai de hegau. De goobenaa ne daohi age e mano daric goolo, e madalima boolo, ma e matolu malo ange gi de gau haimeedabu, aama e limalau mina selevaa.

⁷¹ Gai hanu dagi o denga hagadiilinga ne daohi age e luasemada daric goolo, ma e 2,200 mina selevaa.

⁷² Gai dangada ange laa ne daohi age e luasemada daric goolo, ma e luamano mina selevaa, aama e madaono ma hidu malo ange gi de gau haimeedabu.

⁷³ Gai de gau haimeedabu, ma de aamuli o Levi, ma de gau hagaloosi haitoga, ma de gau daahili, ma hanu mai i magavaa o dangada, ma de gau e haia hegau i de hale daumaha, ma de gau Israel alodahi ne hulo ga nnoho i olaadeu aduhale donu. Gai ga dae mai huu de hidu malama, gai de gau Israel gu nnoho i olaadeu aduhale donu.