Nehemiah 10 - De Beebaa Dabu

¹ Aanei dangada ne hagasauaa ina ma de ssaini olaadeu ingoo: de goobena go Nehemiah, tama daane a Hacaliah, ma Zedekiah,

² ma Seraiah, ma Azariah, ma Jeremiah,

³ ma Pashhur, ma Amariah, ma Malkijah,

⁴ ma Hattush, ma Shebaniah, ma Malluk,

⁵ ma Harim, ma Meremoth, ma Obadiah,

⁶ ma Daniel, ma Ginnethon, ma Baruch,

⁷ ma Meshullam, ma Abijah, ma Mijamin,

⁸ ma Maaziah, ma Bilgai, aama Shemaiah. Aanei de gau haimeedabu.

⁹ Hagadiilinga o Levi: go Jeshua, tama daane a Azaniah, ma Binnui tama daane a Henadad, ma Kadmiel,

¹⁰ ma olaadeu dangada ange laa: go Shebaniah, ma Hodiah, ma Kelita, ma Pelaiah, ma Hanan,

¹¹ ma Mica, ma Rehob, ma Hashabiah,

¹² ma Zaccur, ma Sherebiah, ma Shebaniah,

¹³ ma Hodiah, ma Bani, aama Beninu.

¹⁴ Denga dagi o dangada: go Parosh, ma Pahath-Moab, ma Elam, ma Zattu, ma Bani,

¹⁵ ma Bunni, ma Azgad, ma Bebai,

¹⁶ ma Adonijah, ma Bigvai, ma Adin,

¹⁷ ma Ater, ma Hezekiah, ma Azzur,

¹⁸ ma Hodiah, ma Hashum, ma Bezai,

¹⁹ ma Hariph, ma Anathoth, ma Nebai,

²⁰ ma Magpiash, ma Meshullam, ma Hezir,

²¹ ma Meshezabel, ma Zadok, ma Jaddua,

²² ma Pelatiah, ma Hanan, ma Anaiah,

²³ ma Hoshea, ma Hananiah, ma Hasshub,

²⁴ ma Hallohesh, ma Pilha, ma Shobek,

²⁵ ma Rehum, ma Hashabnah, ma Maaseiah,

²⁶ ma Ahiah, ma Hanan, ma Anan,

²⁷ ma Malluk, ma Harim, aama Baanah.

²⁸ Gai dangada ange laa — go de gau haimeedabu, ma dangada de aamuli o Levi, ma de gau hagaloosi haitoga, ma de gau daahili, ma de gau hai hegau i de temple, aama dangada alodahi gu vvae gee gilaadeu mai i dangada o de henua e daudali ange i hainga a de Maadua, madali olaadeu bodu, ma alaadeu dama daane, ma damaa hine, aama dangada alodahi e iloo ma de tonu ange —

²⁹ gilaadeu nei alodahi ne hagabuni madali olaadeu dangada aamua ga hai dahi hagamalaia ma de hagatoo donu bolo gilaadeu ga daudali i hainga a de Maadua gu gaavange laa gi gilaadeu mai i daho Moses, tangada hai hegau o de Maadua, gai gilaadeu gi daohia ga hai hegau i hainga alodahi a Tagi Maolunga taadeu Ia Aamua, ma ana hagamodu, aama ana mee gu hagasauaa:

³⁰ “Gimaadeu e dee gaavange amaadeu damaa hine gi dangada o de henua nei, aabe kave alaadeu damaa hine gi hai bodu ange gi amaadeu dama daane.

³¹ Gai noo dangada i de henua e gaamai olaadeu goloa aabe denga grain e hagao i de laangi o Sabbath aabe go dahi laangi dabu, gai gimaadeu e dee hagao alaadeu mee. Gimaadeu e dee hagihagi hogi huamanu i honga omaadeu gelegele i denga hidu ngadau alodahi, ma de degi ange gi muli alodahi.

³² Gai gimaadeu ne hagamodu i omaadeu daha e gaavange dahi diba i diba e dolu o dahi shekel i ngadau alodahi e hai ai hegau o de hale o demaadeu Maadua:

³³ ange gi denga pelaoaa o ssigidaumaha, ma sigidaumaha o hua grain, ma denga sigidaumaha dudu i laangi alodahi, ma denga Sabbath, ma denga daonga i de duu de maasina i dai, ma denga daonga gu hagailonga, ma denga goloa dabu, ma sigidaumaha o haisala o de gau Israel, aama hegau alodahi o de hale o demaadeu Maadua.

³⁴ Gai gimaadeu de gau haimeedabu, ma de aamuli o Levi, aama dangada ne hai tada e hili ai denga huaabodu e gaamai lahhie gi de hale o demaadeu Maadua, i de masavaa gu hagailonga i ngadau alodahi, e dudu i honga de mommee o ssigidaumaha a Tagi Maolunga taadeu Maadua, bei de hai gu sisi ai i de hainga.

³⁵ Gimaadeu ne hagamodu hogi bolo gimaadeu e gaamai denga hua i taamada i honga omaadeu gelegele, aama hua o denga manu alodahi gi de hale o Tagi Maolunga i ngadau alodahi.

³⁶ Gimaadeu e gaamai hogi gi de hale o demaadeu Maadua, amaadeu dama daane maatua ma tama e haanau i taamada i daho amaadeu manu haangai, ma amaadeu kaau ma amaadeu ssiibi, e gaavange gi de gau haimeedabu e haia hegau i kilaa, bei de hai gu sisi ai i de hainga.

³⁷ Gai gimaadeu e gaamai hogi gi lodo mommee doange o de hale o demaadeu Maadua, ga gaavange gi de gau haimeedabu, tahi laabunga o amaadeu pelaoaa lligi ma amaadeu grain e sigidaumaha, aama hua i taamada o amaadeu manu alodahi, ma amaadeu uvaini hoou, aama lolo. Gai gimaadeu e daohi age hogi dahi diba i diba e madaangahulu o hua i honga omaadeu gelegele gi de aamuli o Levi, i hiidinga go gilaadeu e hagabudulia dahi diba i diba e madaangahulu i aduhale alodahi omaadeu e hai hegau ai.

³⁸ Gai dahi dangada haimeedabu, mai i de aamuli o Aaron, gi noho madali de aamuli o Levi i de masavaa alaadeu e kave ai dahi diba i diba e madaangahulu, gai de aamuli o Levi gi vaaea dahi diba i diba e madaangahulu o dahi diba i diba e madaangahulu alaadeu ne kave laa, gi gaamai gi lodo mommee doange i de hale o demaadeu Maadua.

³⁹ Gai de gau Israel ma de aamuli o Levi gi gaamai denga grain alaadeu e daohia age laa, ma uvaini hoou, ma lolo gi denga mommee e doange ai laa goloa o de mommee dabu, go de mommee o de gau haimeedabu e hai hegau ai laa, ma de gau hagaloosi haitoga, aama de gau daahili e nnoho ai laa hogi. Gai gimaadeu e dee tili naa donu de hale o demaadeu Maadua.”