Genesis 36 - De Beebaa Dabu

Hagadiilinga o Esau

¹ Aanei hagadiilinga o Esau (e bei go Edom).

² Esau ne hai bodu ange gi hanu hine o Canaan: go Adah, tamaa hine a Elon taane Heth, ma Oholibamah, tamaa hine a Ana gai de mogobuna hahine o Zibeon taane Hiv,

³ ma Basemath, tamaa hine a Ishmael, se daina hahine niio Nebaioth.

⁴ Gai Adah ne haanau ange gi Esau Eliphaz, gai Basemath ne haanau Reuel.

⁵ Gai Oholibamah ne haanau Jeush, ma Jalam, ma Korah; aanei denga dama ne haanau ange gi Esau i de henua o Canaan.

⁶ Gai Esau ne kave ono bodu, ma ana dama daane ma damaa hine, ma dangada alodahi i dono hale, ma ana hagabuulingaa manu, aama ono goloa alodahi ne mau i de henua go Canaan, ga hano ai gi dahi henua e mmao gee mai i dono daina daane go Jacob,

⁷ go hiidinga olaau goloa gu kona mmao de lagolago, gai gilaau gu dee maua i de nnoho i de mommee daudahi, gai de henua olaau e nnoho gaainga ai laa gu dee dohu ai gilaau, i hiidinga o alaau hagabuulingaa manu.

⁸ Gai Esau (e bei go Edom) ne noho i de mommee iai duuduu i Seir.

⁹ Gai aanei hagadiilinga o Esau, tamana o de gau Edom, e nnoho laa i de henua iai duuduu o Seir.

¹⁰ Aanei ingoo o dama daane a Esau: go Eliphaz, tama daane a de bodu o Esau go Adah, ma Reuel, tama daane a Basemath, de bodu o Esau ange laa.

¹¹ Dama daane a Eliphaz: go Teman, ma Omar, ma Zepho, ma Gatam aama Kenaz.

¹² Gai Eliphaz, tama daane a Esau, e dahi hogi ono bodu laa daha, go Timna, ia ne haanau Amalek. Aanei mogobuna o Adah, de bodu o Esau.

¹³ Aanei dama daane a Reuel: go Nahath, ma Zerah, ma Shammah, aama Mizzah. Aanei mogobuna o Basemath, de bodu o Esau.

¹⁴ Aanei dama daane a de bodu o Esau go Oholibamah, tamaa hine a Anah gai de mogobuna o Zibeon, go dama aana ne haanau ange gi Esau: go Jeush, ma Jalam, aama Korah.

¹⁵ Gai aanei dagi o hagadiilinga o Esau: De hagadiilinga o Eliphaz, tama madua a Esau: Denga dagi go Teman, ma Omar, ma Zepho, ma Kenaz,

¹⁶ ma Korah, ma Gatam, aama Amalek. Aanei dagi o hagadiilinga o Eliphaz i Edom; gilaadeu nei go mogobuna o Adah.

¹⁷ De hagadiilinga o Reuel, tama a Esau: Denga dagi go Nahath, ma Zerah, ma Shammah, aama Mizzah. Aanei dagi o de hagadiilinga o Reuel i Edom; gilaadeu nei go mogobuna o Basemath, de bodu o Esau.

¹⁸ De hagadiilinga o Oholibamah, de bodu o Esau: Denga dagi go Jeush, ma Jalam, aama Korah. Aanei dagi o hagadiilinga o de bodu o Esau go Oholibamah, tamaa hine a Anah.

¹⁹ Aanei dama daane a Esau (e bei go Edom) ma olaadeu dagi.

²⁰ Aanei dama daane a Seir, taane Hor, go dangada e nnoho i de henua laa: go Lotan, ma Shobal, ma Zibeon, ma Anah,

²¹ ma Dishon, ma Ezer, aama Dishan. Aanei dama daane a Seir i de henua go Edom, gai ni dagi niio de gau Hor.

²² Dama daane a Lotan: go Hori, ma Homam. Gai taina hahine o Lotan go Timna.

²³ Dama daane a Shobal: go Alvan, ma Manahath, ma Ebal, ma Shepho, aama Onam.

²⁴ Dama daane a Zibeon: go Aiah ma Anah. Deenei taane ne gidee e ia denga saalingaa vai hagavvela i de vao, i de masavaa aana nogo hagaloosi ange ai denga donkey a dono damana go Zibeon.

²⁵ Dama daane a Anah: go Dishon, ma Oholibamah, tamaa hine a Anah.

²⁶ Dama daane a Dishon: go Hemdan, ma Eshban, ma Ithran, aama Keran.

²⁷ Dama daane a Ezer: go Bilhan, ma Zaavan, aama Akan.

²⁸ Dama daane a Dishan: go Uz aama Aran.

²⁹ Gai aanei dagi o de gau Hor: go Lotan, ma Shobal, ma Zibeon, ma Anah,

³⁰ ma Dishon, ma Ezer, aama Dishan. Aanei dagi o de gau Hor ma olaadeu vaaenga i de henua o Seir.

Denga hodooligi o Edom

³¹ Gai aanei denga hodooligi ne dagina de henua go Edom i mua de dahi hodooligi o de gau Israel:

³² go Bela, tama daane a Beor, ne hodooligi laa i Edom. Gai de ingoo o dono aduhale go Dinhabah.

³³ Gai ga magau huu Bela, gai Jobab tama daane a Zerah, taane Bozrah ga sui ia ga hodooligi ai.

³⁴ Gai ga magau huu Jobab, gai Husham mai i de henua o de gau Teman ga sui ia ga hodooligi ai.

³⁵ Gai ga magau huu Husham, gai Hadad tama daane a Bedad, taane ne hagadee kii ina laa de gau Midian i de henua go Moab, ga sui ia ga hodooligi ai. Gai de ingoo o dono aduhale go Avith.

³⁶ Gai ga magau huu Hadad, gai Samlah taane Masrekah ga sui ia ga hodooligi ai.

³⁷ Gai ga magau huu Samlah, gai Shaul taane mai i Rehoboth i gaogao ssaalingaa vai ga sui ia ga hodooligi ai.

³⁸ Gai ga magau huu Shaul, gai Baal-Hanan tama daane a Acbor ga sui ia ga hodooligi ai.

³⁹ Gai ga magau huu Baal-Hanan tama daane a Acbor, gai Hadad ga sui ia ga hodooligi ai. Gai de ingoo o dono aduhale go Pau, gai de ingoo o dono bodu go Mehetabel, tamaa hine a Matred, tamaa hine a Me-Zahab.

⁴⁰ Gai aanei ingoo o dagi o de hagadiilinga o Esau ma olaadeu huaabodu aama olaadeu mommee ne dagi ai: go Timna, ma Alvah, ma Jetheth,

⁴¹ ma Oholibamah, ma Elah, ma Pinon,

⁴² ma Kenaz, ma Teman, ma Mibzar,

⁴³ ma Magdiel, aama Iram. Aanei dagi o de gau Edom ma olaadeu mommee i de henua olaadeu ne nnoho ai. Deenei Esau, tamana o de gau Edom.