Esther 10 - De Beebaa Dabu

De maolunga o Mordecai

¹ Gai de hodooligi go Ahasuerus ga hai dangada gi hagao ina taagisese, i de henua alodahi ga hano ai gi tagudai.

² Gai hegau alodahi ne hai i dono sauaa ma ono mmahi, aama dagodo o tuulanga maolunga o Mordecai, ma de hagaamua a de hodooligi ia, gu sisi i lo te beebaa e daohi ai laa hegau a denga hodooligi o Media ma Persia.

³ Gai taane Ssuu go Mordecai, go togolua i lalo o de hodooligi go Ahasuerus, ia se daane maolunga i daho de gau Ssuu, ma de hagadubu i daho ono dangada, go hiidinga ia ne hagammahi ga ssala de mee e danuaa ange gi ono dangada donu, ma de hai hegau ange gi nnoho paba denga hagadiilinga alodahi.