1 Chronicles 1 - De Beebaa Dabu

Denga hagadiilinga mai i Adam gi Abraham

¹ Adam, Seth, Enosh,

² Kenan, Mahalalel, Jared,

³ Enoch, Methuselah, Lamek, ma Noah.

⁴ Dama daane a Noah: go Shem, ma Ham, aama Japheth.

Hagadiilinga o Japheth

⁵ Dama daane a Japheth: go Gomer, ma Magog, ma Madai, ma Javan, ma Tubal, ma Meshek, aama Tiras.

⁶ Dama daane a Gomer: go Ashkenaz, ma Riphath, aama Togarmah.

⁷ Dama daane a Javan: go Elishah, ma Tarshish, ma Kittim, aama Rodanim.

Hagadiilinga o Ham

⁸ Dama daane a Ham: go Cush, ma Egypt, ma Put, aama Canaan.

⁹ Dama daane a Cush: go Seba, ma Havilah, ma Sabta, ma Raamah, aama Sabteca. Dama daane a Raamah: go Sheba, ma Dedan.

¹⁰ Cush ne hagadili Nimrod; gai Nimrod se daane mmahi i henua i lalo.

¹¹ Egypt ne hagadili de gau Lud, ma de gau Anam, ma de gau Lehab, ma de gau Naphtuh,

¹² ma de gau Pathrus, ma de gau Casluh (ne hagadili ai laa de gau Philistia), ma de gau Caphtor.

¹³ Canaan ne hagadili de gau Sidon, dana dama madua, ma de gau Heth,

¹⁴ ma de gau Jebus, ma de gau Amor, ma de gau Girgash,

¹⁵ ma de gau Hiv, ma de gau Erek, ma de gau Sin,

¹⁶ ma de gau Arvad, ma de gau Zemar, aama de gau Hamath.

Hagadiilinga o Shem

¹⁷ Dama daane a Shem: go Elam, ma Asshur, ma Arpaxad, ma Lud, ma Aram. Dama daane a Aram: go Uz, ma Hul, ma Gether, aama Meshek.

¹⁸ Arpaxad ne hagadili Shelah, gai Shelah ne hagadili Eber.

¹⁹ Eber ne hagadili e dogolua dama daane. De ingoo o dahi go Peleg (go hiidinga dangada o henua i lalo ne mavaevae i dono masavaa), gai de ingoo o dono daina go Joktan.

²⁰ Joktan ne hagadili Almodad, ma Sheleph, ma Hazarmaveth, ma Jerah,

²¹ ma Hadoram, ma Uzal, ma Diklah,

²² ma Ebal, ma Abimael, ma Sheba,

²³ ma Ophir, ma Havilah, aama Jobab. Aanei alodahi dama a Joktan.

²⁴ Shem, Arphaxad, Cainan, Selah,

²⁵ Eber, Peleg, Reu,

²⁶ Serug, Nahor, Terah,

²⁷ ma Abram (e bei go Abraham).

Hagadiilinga o Ismael

²⁸ Dama a Abraham go Isaac ma Ishmael.

²⁹ Aanei dama a Ishmael: go Nebaioth, dana dama madua, ma Kedar, ma Adbeel, ma Mibsam,

³⁰ ma Mishma, ma Dumah, ma Massa, ma Hadad, ma Tema,

³¹ ma Jetur, ma Naphish, aama Kedemah. Aanei dama a Ishmael.

³² Gai dama daane a Abraham ange gi Keturah, dono bodu laa daha: go Zimran, ma Jokshan, ma Medan, ma Midian, ma Ishbak, aama Shuah. Dama daane a Jokshan: go Sheba ma Dedan.

³³ Dama daane a Midian: go Ephah, ma Epher, ma Hanok, ma Abida, aama Eldaah. Aanei alodahi dama a Keturah.

Hagadiilinga o Esau

³⁴ Abraham ne hagadili Isaac. Gai dama daane a Isaac go Esau ma Israel.

³⁵ Dama daane a Esau: go Eliphaz, ma Reuel, ma Jeush, ma Jalam, aama Korah.

³⁶ Dama daane a Eliphaz: go Teman, ma Omar, ma Zephi, ma Gatam, ma Kenaz. Tama daane a Timnah: go Amalek.

³⁷ Dama daane a Reuel: go Nahath, ma Zerah, ma Shammah, aama Mizzah.

Dangada o Seir i Edom

³⁸ Dama daane a Seir: go Lotan, ma Shobal, ma Zibeon, ma Anah, ma Dishon, ma Ezer, aama Dishan.

³⁹ Dama daane a Lotan: go Hori, aama Homam. Gai Timna go taina hahine o Lotan.

⁴⁰ Dama daane a Shobal: go Alvan, ma Manahath, ma Ebal, ma Shepho, aama Onam. Dama daane a Zibeon: go Aiah, ma Anah.

⁴¹ Tama daane a Anah: go Dishon. Dama daane a Dishon: go Hamran, ma Eshban, ma Ithran, aama Keran.

⁴² Dama daane a Ezer: go Bilhan, ma Zaavan, aama Jaakan. Gai dama daane a Dishan go Uz ma Aran.

Denga dagi o Edom

⁴³ Gai aanei denga hodooligi ne dagina de henua go Edom i mua de dahi hodooligi o de gau Israel: go Bela, tama daane a Beor, gai de ingoo o dono aduhale go Dinhabah.

⁴⁴ Gai ga magau huu Bela, gai Jobab, tama daane a Zerah, taane Bozrah ga sui ia ga hodooligi ai.

⁴⁵ Gai ga magau huu Jobab, gai Husham, taane mai i de henua go Teman ga sui ia ga hodooligi ai.

⁴⁶ Gai ga magau huu Husham, gai Hadad, tama daane a Bedad, taane ne hagadee kii ina laa de gau Midian i de henua go Moab, ga sui ia ga hodooligi ai. Gai de ingoo o dono aduhale go Avith.

⁴⁷ Gai ga magau huu Hadad, gai Samlah taane Masrekah ga sui ia ga hodooligi ai.

⁴⁸ Gai ga magau huu Samlah, gai Shaul, taane mai i Rehoboth i gaogao ssaalingaa vai, ga sui ia ga hodooligi ai.

⁴⁹ Gai ga magau huu Shaul, gai Baal-Hanan, tama daane a Achor ga sui ia ga hodooligi ai.

⁵⁰ Gai ga magau huu Baal-Hanan, gai Hadad ga sui ia ga hodooligi ai. Gai de ingoo o dono aduhale go Pai, gai de ingoo o dono bodu go Mehetabel, tamaa hine a Matred, tamaa hine a Me-Zahab.

⁵¹ Gai Hadad gu magau hogi. Gai denga dagi o Edom: go Timna, ma Alvah, ma Jetheth,

⁵² ma Oholibamah, ma Elah, ma Pinon,

⁵³ ma Kenaz, ma Teman, ma Mibzar,

⁵⁴ ma Magdiel, aama Iram. Aanei dagi o de gau Edom.