Wayuotanin 17 - Dakota Wowapi Wakan Kin

¹ Hehan maḣpiya ohnihde śakowin wiyatke śakowin yuhapi qon etanhan wanji u, qa omakiye c̣a hemakiya, Deciya u wo, wawiciḣaḣapi econ sa tanka mini ota akan iyotanke cin he token yacopi kin cicipazo kta ce.

² He kici wicaśtayatapi maka akan unpi kin wawiciḣaḣapi econpi ece, qa tona maka akan unpi kin wawiciḣaḣapi tawa miniśa kin on witkopi ce.

³ Hehan Woniya kin on ḣewoskan makoce ekta amayan. Unkan winoḣinca wan wamanica duta wan akan iyotanke cin he wanmdaka; he waośtehdapi wicacaje kin ojudan, qa pa śakowin, he wikcemna ko ikoyaka.

⁴ Unkan winoḣinca kin he taku stan duta ko koyake c̣a, mazaskazi, inyan teḣika, oinpidan ko hena on wiyatpa un, qa nape kin ohna mazaskazi wiyatke wan yuha waośtehdapi, wawiciḣaḣapi ko aśamyapi kin on ojudan.

⁵ Qa ite kin en caje wan owapi, Woanaḣbe kin, Babulon tanka, maka kin akan wawiciḣaḣapi, qa wayaśicapi hunku kin hee.

⁶ Unkan wicaśta owotanna we kin winoḣinca kin he iwitko wanmdaka, qa tona Jesus yaotaninpi kin hena we kin on. He wanmdake c̣a nina imanihan waun.

⁷ Hehan maḣpiya ohnihde kin he, Tokeca e ininihan he, emakiya; Winoḣinca woanaḣbe kin he ociciyake kta, qa wamanica akan iyotanke cin, pa śakowin, qa he wikcemna hduhe cin he nakun.

⁸ Wamanica wandake cin he un qon, qa un śni kin; qa wośbe cetete wanica etanhan hiyu kta, qa wicotakuni śni ekta hde kta. Qa tona maka akan unpi, maka kagapi kin ehantanhan, cajepi kin wiconi wowapi kin en owapi śni, hena wamanica kin wanyakapi kinhan yuśinyayapi kta, he un qon, qa un śni, qa hinaḣin un kin heon etanhan.

⁹ Unkan wicotawacin wicoksape yuhe cin he den un. Pa śakowin kin hena paha śakowin winoḣinca kin akan iyotanke cin hee;

¹⁰ Qa wicaśtayatapi śakowin kin heepi, zaptan wanna hinḣpayapi, qa wanji nahaḣin en yanka, qa wanji iś hinaḣin hi śni; he hi kinhan ptecedan he kta.

¹¹ Qa wamanica wandake ciqon he un qon, qa un śni kin, he iciśahdogan kin ee, śakowinpi kin he etanhan, qa wicotakuni śni ekta hde kta.

¹² Qa he wikcemna wandake ciqon hena wicaśtayatapi wikcemna kin eepi, nahaḣin wokiconze yuhapi śni, tuka wihiyayedan wancadan ape cin wicaśtayatapi iyecen wamanica kin kici wicowaśake icupi kta.

¹³ Hena wicotawacin wanjidan yuhapi, qa wicowaśake wicookihi ko tawapi kin wamanica kin qupi.

¹⁴ Qa hena Amnos kin kici kicizapi kta, tuka Amnos kin wicaktedan kta, he itancanpi kin Itancan, qa wicaśtayatapi kin en Wicaśtayatapi kin hee, qa tona om un kin hena wicakicopi, qa wicakaḣnigapi, qa wicakapi.

¹⁵ Hehan hecen emakiya, Mini wandake ciqon tukten wawiciḣaḣapi econ sa iyotanke cin he oyate, qa wicota, qa wicaśta, qa iapi kin eepi.

¹⁶ Qa he wikcemna wandake ciqon, wamanica ikoyake cin hena, wawiciḣaḣapi econ sa kin śice kidakapi kta, qa ḣewoskantuya tancodan iyaye yapi kta, ceḣpi kin temyapi, qa peta on ḣuḣnaḣyapi kta.

¹⁷ Hena e Wakantanka tawacin kin ecen econpi kta, qa wicotawacin wanjidan unpi kta, qa wokiconze tawapi kin wamanica qupi kta e wacin yus wicakiya, Wakantanka oie kin yuecetu kte cin hehanyan.

¹⁸ Qa winoḣinca wandake ciqon he otonwe tanka kin makata wicaśtayatapi kin iwicadake cin hee.