Wayuotanin 12 - Dakota Wowapi Wakan Kin

¹ Unkan maḣpiya kin ekta wowapetokeca tanka wan tanin: Winoḣinca wan anpetu wi kin koyake c̣a, hanyetu wi kin siha kin ihukuya, qa pa kin en wicanḣpi ake nonpa wapaha kiya.

² He ihduśake c̣a, hokśiksuye c̣a howaya, cinca ton kta e wayazanka.

³ Unkan hehan moḣpiya kin ekta wowapetokeca tokeca wan tanin; wamduśka duta tanka wan, he pa śakowin, qa he wikcemna yuha, qa pa śakowin kin en wateśdake śakowin teśdaka.

⁴ Qa sinte kin on maḣpiya wicanḣpi iyamnimni kin iwicacu, qa maka kin ekta eḣpewicaya. Unkan wamduśka kin he winoḣinca hokśiksuye cin itokam najin, cinca ton kinhan temye kta.

⁵ Hehan cinca ton, wica kin, oyate hiyeye cin owasin maza icapsinte wan on wicayuhe kte cin hee. Unkan hokśiyoqopa kin he Wakantanka, qa iye oiyotanke kin ekta eyakupi.

⁶ Unkan winoḣinca kin he ḣewoskan makoce kin ekta napa, heciya Wakantanka taku wiyeya ekicihnaka, qa hen anpetu kektopawinge sanpa opawinge nonpa sam wikcemna śakpe hehanyan wonyapi kta.

⁷ Hehan maḣpiya kin ekta ozuye kagapi; Mikael qa iye taokiye kin wamduśka kin kici kicizapi. Unkan wamduśka kin qa iye taokiye kin kicizapi;

⁸ Qa ohiwicayapi śni; hecen hetanhan maḣpiya kin ekta tuktedan wicakiyukanpi śni.

⁹ Unkan wamduśka tanka kin, wamduśka wanakaja tanhan un kin hee, Wakanśica qa Satan eciyapi, wicaśta hiyeye cin owasin wicahnaye cin hee, makata eḣpeyapi, qa tona ookiye wicaye cin hena nakun kici tankan iyewicayapi.

¹⁰ Unkan maḣpiya kin eciyatanhan wicaho wan tanka nawaḣon, hecen eya, Wanna unkita Wakantankapi wiconi tawa, qa towaśake qa tokiconze kin u; qa Mesaiya wicookihi tawa kin nakun; tuwe hunkawanjin wicunkiyapi kin taku iyawicaonpe cin, Wakantanka unkitawapi kin itokam, anpeto hanyetu ko awicaie cin hee kun eḣpeyapi kin heon etanhan.

¹¹ Unkan hena Aranos we kin he on, qa waayataninpi oie tawapi kin he on ohiyapi, qa wiconṭe hehanyan wiconi tawapi kin waśte kidapi śni.

¹² Heon etanhan, maḣpiya kin iyuśkin po, qa tona ohna tipi kin. Tuka tona raaka kin miniwanca ko ekta yakonpi kin hena wicokakije yuhapi kta; niyepi kin ekta Wakanśica kun iyaye c̣a wośihda tanka yuha, aśkayedan kta e sdonkiye cin heon etanhan.

¹³ Unkan wamduśka kin maka kin ekta eḣpeyapi kin he wanhdaka, hehan winoḣinca cinca ton qon he śicaya kuwa.

¹⁴ Unkan winoḣinca kin he wanmdi tanka ḣupahu tawa nom qupi, on ḣewoskan makoce tukten ti kte cin heci kinyan iyaye kta, heciya waniyetu yamni qa wanji hanke hehanyan wonyapi kta, wamduśka itohnake kin itehanyan.

¹⁵ Unkan wamduśka kin iye i kin etanhan mini hiyuya, wakpa wan iyececa, qa winoḣinca kin ihakam hiyayeya, minin ṭeye kta e heon.

¹⁶ Unkan maka kin winoḣinca kin he okiye c̣a, i hdukawa, qa wakpa wamduśka i kin etanhan hiyuye cin he yaḣepa.

¹⁷ Unkan wamduśka kin he winoḣinca kin on śinhda, qa winoḣinca cinca wicaye cin, tona Wakantanka tawoahope kin ahopapi, qa Jesus Messiya wootanin tawa yuhapi kin hena azuwicaya.