Roma 9 - Dakota Wowapi Wakan Kin

¹ Messiya eciyatanhan wowicake epe, itonśni mawanica, minagi kin hee e Woniya Wakan kin kici mahdutanin;

² Nina iyomakiśice c̣a micante ekta ohinniyan iyokiśin waun.

³ Mihunkawanji qa tona wicaceḣpi eciyatanhan takuwicawaye cin hena on, Messiya etanhan rnayacopi tawaṭenwaya owakihi tuka.

⁴ Hena Israel wicaśta kin hecapi, qa atayedan cinkśi wicaye cin hena ecpi, qa wowitan, qa wicotakuye, qa woope wicaqupi kin, qa wawokiyapi kin, qa wahoyapi kin hena tawapi.

⁵ Qa hunkake wicayapi kin etanhanpi kin hena eepi, qa hena etanhan wicaceḣpi eciyatanhan Messiya inapa, he owasin iwankam Wakantanka kin ee, owihanke wanin wowaśte yulia nunwe.

⁶ Wakantanka oie kin ecetu śni aye cin he wake śni. Tona Israel etanhanpi kin hena owasin Israel hecapi śni.

⁷ Qa Abraham etanhan icagapi kin heon owasin cincapi kin hecapi śni. Tuka, Isaak etanhanpi kin hena nicinca ewicakiyapi kta ce.

⁸ He kaketu, tona Wakantanka cinca wicaye cin hena wicaceḣpi eciyatanhan cinca wicayawapi qon heon etanhan śni, tuka tona cinca wahoyapi qon hena e wicowazi kin ee iyawapi.

⁹ Wahoyapi wicoie kin he decetu, Omaka dehantu kinhan wau kta, qa Sara cinhintku wan ton kta ce.

¹⁰ Qa heceyedan śni, tuka Rebeka nakun wanjidan on, Isaak ateunyanpi kin hee on, ihduśake c̣ehan,

¹¹ Nahanḣin tonpi śni, taku waśte taku śica ko unmana nahanliin econpi śni, Wakantanka tawacin kin wicakaḣnigapi kin en sutaya un kte cin heon, wicoḣan kin eciyatanhan śni, tuka tuwe wicakico kin he eciyatanhan:

¹² Hehan heciyapi, Hakakta kin he tokapa kin wowidag ye kta ce.

¹³ Owapi qon he kaketu, Jakob waśte wadaka, tuka Esau śice wadaka ce.

¹⁴ Hecen token unkeyapi kta he. Wakantanka owotanna śni econ he. Hiya, hecetu śni.

¹⁵ He Moses heciya; Tuwe onśiwakida kte cin he onśiwakida kta, qa tawe wacin en mduze kte cin he wacin en mduze kta ce.

¹⁶ Heon etanhan tuwe cin kin eciyatanhan śni, qa tuwe inyankecin he nakun eciyatanhan śni, tuka Wakantanka onśiwicakida kin he eciyatanhan ece.

¹⁷ Wowapi wakan kin he Pharo heciya; He dee on etanhan icaḣciya, niye en mitowaśake kin wahduotanin kta, qa maka owancaya micaje kin oyakapi kte cin heon.

¹⁸ Heon etanhan tuwe kaḣnige cinhan, he onśikida ece; qa tuwe kaḣnige cinhan he yuteḣi ece.

¹⁹ Hecen hemayakiye kta nace; Tokeca e nahanḣin wicaba he; tuwe e iye tawacin kin ecetuśniya he.

²⁰ Hiya, wicaśta kin, niś nituwe he, hecen Wakantanka i en hiyeyaya he. Taku kagapi kin he tuwe kage cin, Tokeca hecen mayakaga he, eciye kta he.

²¹ Maka wakśica kage cin heca maka kin okihi śni he, upśija omnaye wanjidan etanhan wakśica wan woyuonihan, qa wanji iś wowiśtece on kage kte śni he.

²² Hecen Wakantanka wocanniye kin hdutanin kta cin, qa towaśake kin sdonye unkiyapi kta e on wocanniye wakśica wicotakuni śni kicagapi qon hena wawacinkta yuza tanka on wicakuwa kinhan;

²³ Qa tona wowaonśida wakśica kin otokaheya tanhan wowitan on wiyeya ehnakapi qon, hena en iye towitan wowijice kin hduotanin kta.

²⁴ He wicakico kin hena unkiyepi, Juda oyate etanhanpi kin hecedan śni, tuka nakun Ikcewicaśta etanhanpi.

²⁵ Hose en heye ciqon iyececa; Tona mitaoyate śni kin hena mitaoyate ewicawakiye kta, qa waśte dakapi śni qon he waśte dakapi kin ewakiye kta.

²⁶ Qa tukten, Mitaoyate kin he niyepi śni ce, ewicakiyapi qon, hen, Wakantanka ni un cinca kin ewicakiyapi kta ce, eya.

²⁷ Isaya iś eya Israel oyate kin on hotanin; Israel cincapi kin miniwanca wiyaka sukaza iyecen ota yawapi eśta, tona okaptapi kin henana nipi kta ce, eya.

²⁸ Wayawapi yuptecedan kta qa wicoowotanna en hduśtan kta; maka akan Itancan kin wayawapi ptecedan wan kage kta.

²⁹ Qa he itokam Isaya heye ciqon; Sabaoth Itancan kin wicowazi wan unkokicicaptapi śni unkanś, Sodom iyecen unyakonpi kta, qa Gomorra en unkiyoptapi kta tuka.

³⁰ Hecen token unkeyapi kta he. Ikcewicaśta kin wicoowotanna iyeyapi ce, wacinyanpi kin eciyatanhan wicoowotanna kin hee.

³¹ Tuka Israel wicoowotanna woope odepi qon hena wicoowotanna woope kin iyohipi śni.

³² Tokeca he. Wacinyanpi kin eciyatanhan śni, tuka woope wicoḣan kin eciyatanhan odepi kin, heon etanhan. Inyan ibotopi kin de on siha ibotopi.

³³ Wowapi kagapi qon iyececa; Wanyaka wo, Zion en ihyan ibotopi, qa imnija on ḣicahanpi wan ewahde; qa tuwe he wacinye cinhan inilian kte śni.