Roma 16 - Dakota Wowapi Wakan Kin

¹ Phebe tawinoḣtinunyanpi, Kenkrea ekta okodakiciye kin en ookiye wanji hee cantohnake ciśipi.

² He Itancan kin on iyowinyakiyapi kta, tona owotanna un kin iyececa, qa taku on i kin he en token ecayeconpi cin kinhan ecen okiya po. Iye kin wicota owicakiye c̣a miye nakun omakiya ece.

³ Priskula Akula kici, Jesus Messiya en mitawasipi kin hena napewicayuza po.

⁴ Hena e minagi kin on iye tahupi kin ehnakapi, qa hena miye miśnana pidamakiyapi śni, tuka Ikcewicaśta ekta okodakiciye kin owasin pidawicayapi.

⁵ Qa iye tipi kin ohna okodakiciye kin napewicayuza po. Epinetus waśtewadake cin he napeyuza po; Akeya ekta Messiya en un qon tokaheya kin hee.

⁶ Mary nina ounkiyapi qon he napeyuza po.

⁷ Andronikus Junia kici mitakuye, qa om makaśkapi qon hena napewicayuza po; yewicaśipi kin owicapeya yuonihanpi, qa mitokapa tanhan Messiya en un qon hena.

⁸ Amplias Itancan kin en waśte wadake cin he napeyuza po.

⁹ Urbane Messiya en unkitawaśipi kin, qa Stacus waśte wakidake cin, hena napewicayuza po.

¹⁰ Apelles Messiya en yuecepidan kin he napeyuza po. Aristobulus takuwicaye cin hena napewicayuza po.

¹¹ Herodian mitakuye kin napeyuza po. Narkisus takuwicaye cin Itancan en un kin hena napewicayuza po.

¹² Truphena Truphosa kici Itancan kin on ḣtanipi kin hena napewicayuza po. Persis waśte dakapi kin Itancan kin on nina ḣtani kin he napeyuza po.

¹³ Ruphus Itancan kin on kaḣnigapi kin, qa iye hunku, nakun mitawa kin, hena napewicayuza po.

¹⁴ Asunkritus, Plegon, Ermas, Patrobas, Ermes, hena, qa tona om unpi hunkawanjin kiciyapi kin hena ko; napewicayuza po.

¹⁵ Philologus, Julia, Nereus, iye tawinoḣtin kici, Olumpas, qa hena om tona owotanmi un kin hena owasin napewicayuza po.

¹⁶ Otoiyohi iiputakapi wakcan kin on napekiciyuza po. Messiya taokodakiciye kin napeniyuzapi.

¹⁷ Mihunkawanji ceciciyapi ce, tona woonspe onspenic̣iciyapi qon eciyatanhan śni yuomdecapi, qa waḣtani wicayapi kin hena iwanwicayakapi, qa nawicakicipa po.

¹⁸ Tona hececapi kin Jesua Messiya Itancan unkiyapi kin wowidag wicaye śni, tuka iye tezipi kin hee, qa wicoie waśte, iapi iyokipi se ececa ko, on wicaśta wacin ksape śni kin wicahnayanpi.

¹⁹ Niye waanayagoptanpi kin he wicaśta owasin sdonyapi. Heon niyepi kin on imduśkin. Tuka taku waśte e on yaksapapi kta, qa taku śica on wadupipi kte śni wacin.

²⁰ Unkan kohanna Wookiye Wakantanka kin niye nisihapi kin ihukuya Satan napan kta. Jesus Messiya Itancan unkiyapi towaonśida kin niyepi en nicipi un nunwe.

²¹ Timotheos mitawaśi, qa Lukius, Jason qa Sosipater mitakuye kin, hena napeniyuzapi.

²² Tertius wowapi kin de owa kin he miye, Itancan kin on napeciyuzapi.

²³ Gayos wonmakiye c̣a, okodakiciye owasin hecawicakicon kin, he napeniyuzapi. Erastus otonwe kin en wicaśta itancan wan, qa Kuartus hunkawanjin kiciyapi wan, hena napeniyuzapi.

²⁴ Jesus Messiya Itancan unkiyapi towaonśida kin niyepi owasin en nicipi un nunwe.

²⁵ Tuwe wootanin waśte mitawa qa Jesus Messiya woyake cin he eciyatanhan niyusutapi kta okihi, wowiyukcan nakaha yuotaninpi kin eciyatanhan, he maka icage cin ehantanhan wicoicage kin en anaḣmanpi qon;

²⁶ Tuka nakaha yuotaninpi, wicaśta wokcan tawowapi wakan kin heon, Wakantanka owi hanke wanin un, tawoahope kin eciyatanhan, qa oyate owasin wacinyan anagoptanpi kte cin heon oyakapi;

²⁷ Jesus Messiya on etanhan, Wakantanka ecedan ksape cin hee wowitan owihanke wanin kieihan nunwe.