Roma 15 - Dakota Wowapi Wakan Kin

¹ Unkiye waunśakapi kin tona waśake śni un sutaya wacinyanpi śni kin on wacinuntankapi kta, qa iyokipiunkicṭiyapi kte śni.

² Otoiyohi wicaśta tokeca iyokipi unyanpi kta, wowaśte en icaḣ yapi kte cin heon.

³ Messiya iye kaeś iyokipi ic̣iye śni, tuka wowapi en kagapi qon iyecen, Tona aniiapi kin waaiapi kin he miye aiḣpemayanpi qon.

⁴ Taku tona wowapi en kagapi kin hena onspeunkiyapi kte cin heon kagapi, hecen wicowaḣbadan, qa wowapi wakan kin en wicakicanpte cin eciyatanhan woape unhapi kta.

⁵ Wakantanka wicowaḣbadan, wicakicanpte ko yuhe cin he Jesus Messiya eciyatanhan, otoiyohi okonwanjidan wacin en kiciyus niyanpi nunwe.

⁶ Qa hecen wicotawacin wanjidan, qa wicai wanjidan on Wakantanka Jesus Messiya Itancan unkiyapi he Atkuku kin datanpi kta.

⁷ Heon etanhan otoiyohi iyowinkiciciya po, Wakantanka yutanpi kte cin heon Messiya iyowinunkiyapi qon iyececa.

⁸ Miye kin kaken epe; Jesus Messiya bakiḣdayapi wicoḣan kin en ookiye ikicaga, Wakantanka towicake kin heon, qa hunkakepi kin wahowicayapi qon he hduecetu kte cin heon etanhan.

⁹ Qa hecen Ikcewicaśta kin Wakantanka yatanpi kta, iye towaonśida kin on; wowapi en kagapi qon iyececa, Heon etanhan Ikcewicaśta ehna ociyake c̣a nicaje kin iwadowan kta.

¹⁰ Qa ake hecen eya, Ikcewicaśta kin iyuśkin po, iye taoyate kin kici.

¹¹ Qa ake, Ikcewicaśta kin owasin Itancan kin idowanpi, qa oyate kin owasin he yatan po.

¹² Ake Isaya hecen eya, Jesse hutkan wanjidan qa tuwe Ikcewicaśta en wicaśtayatapi un kte cin he icage kta; he Ikcewicaśta kin wacinyanpi kta.

¹³ Hehan woape Wakantanka kin he wicayadapi kin eciyatanhan wowiyuśkin owasin wookiye ko on imna niyanpi nunwe, Woniya Wakan towasake kin eciyatanhan woape en nina inicagapi kte cin heon.

¹⁴ Mihunkawanji niyepi on awacin manka, wowaśte onijupidan, qa wosdonye owasin on oju niyanpi, hecen otoiyohi wahokonyeciciyapi kta oyakihipi.

¹⁵ Tuka mihunkawanji, hececa eśta waditagya wowapi cicagapi, hecen wicoie wanjikji kiksuye ciyapi kta, Wakantanka towaonśida maqupi kin he eciyatanhan;

¹⁶ Ikcewicaśta ehna Jesus Messiya taokiye kin wanji he miye kta, Wakantanka tawootanin waśte kin on ḣtawani, qa hecen Ikcewicaśta wahdusnapi kin he woiyokipi kta, Woniya Wakan kin on yuwakanpi kin heon.

¹⁷ Heon etanhan Jesus Messiya en taku Wakantanka tawa kin on wowinkta mduha.

¹⁸ Wicoie wicoḣan ko on Ikcewicaśta anagoptanpi kta e, miye eciyatanhan śni, Messiya taku econ qon hena cajemdate kte śni:

¹⁹ Tuka wowapetokeca tanka, qa woyuśinyaye econpi, Wakantanka Taniya Wakan towaśake kin eciyatanhan, hecen Jerusalem etanhan, qa ohomniyan Ilurikon ekta Messiya tawootanin waśte kin omdaka ece.

²⁰ Qa hecen wotanin waśte kin aic̣iciya oyag uwate, tukten Messiya cajeyatapi kin hetu śni, okinni wicaśta tokeca taku ahde kin akan ti wakage kta naceca.

²¹ Tuka hecen wowapi en kagapi qon; Tona en cajeyatapi śni kin hena wanyakapi kta, qa tona naḣonpi śni qon hena iyukcanpi kta.

²² Qa hecen on otakiya ekta ciupi kte cin okitpani mayanpi:

²³ Tuka nakaha makoce kin dena en tuktedan omakan śni qa wanna waniyetu ota ekta ciupi kta nina wacin;

²⁴ Heon toḣan Spania ekta mde cinhan hehan ekta ciupi kta. Heciya icimani mde cinhan tahepi wanciyakapi, qa ekta ye mayayapi kta awacin manka, tokaheya niyepi kin on cistiyedan imamdeze cinhan.

²⁵ Tuka nakaha Jerusalem ekta mda, tona owotanna un kin hena owicawakiye kte cin heon.

²⁶ Tona Makedonia qa Akeya en yukanpi kin hena, tona waḣpanioa wacinyanpi Jerusalem ekta yakonpi kin hena taku wicaqupi kta e iyokipipi.

²⁷ Hecon iyokipipi; taku iwicakicazopi kin iyecen unpi nakaeś. Hena taku wakan yuhapi qon en Ikcewicaśta opapi hecinhan, taku wicaceḣpi ekta un kin hena on itkom owicakiyapi kta iyececa.

²⁸ Heon etanhan tohan he mduśtan qa waskuyeca kin de hena en awicawecipuspe cinhan, hehan niyepi iypopteya Spania ekta imdamde kta.

²⁹ Qa ekta ciupi kinhan, Messiya tawootanin waśte woyuwaśte woojudan kin yuha wau kta sdonwakiya.

³⁰ Hehan nakaha mihunkawanji ceciciyapi ce, Jesus Messiya Itancan kin caje on, qa Woniya Wakan towaśtedake kin on, miye kici Wakantanka nina cemiyeciciyapi kte cin he.

³¹ Tona Juaa makoce kin ekta anagoptanpi śni kin hena etanhan emahdakupi kta, qa Jerusalem ekta wicohtani mitawa kin tona owotanna un kin iyokipi wicaye kte cin heon.

³² Qa hecen Wakantanka tawacin kin eciyatanhan wowiyuśkin yuha ekta ciupi, qa niyepi on imagaga miciye kta.

³³ Wookiye Wakantanka kin niyepi owasin en nicipi un nunwe.