Johannes 15 - Dakota Wowapi Wakan Kin

¹ Hastanhanka iyuwi wowicake kin he miye, qa Atewaye cin he kieanye cin ee.

² Adetka tona miye on waskuyeca icaḣye śni kin hena yupśun; qa adetka tona waskuyeca icaḣye cin hena pakinta, hecen on waskuyeca ota icaḣye kta.

³ Eya wanna niskapi, wicoie oeiciyakapi kin heon.

⁴ Mici un po, hecen miś cicipi waun kta. Hastanhanka iyuwi adetka wiyuwi kin en ikoyake śni kinhan waskuyeca icaḣya okihi śni ece; he iyecen miyeci yaunpi śni ehantanhan, niś eya oyakihipi kte śni.

⁵ Hastanhanka iyuwi kin he miye, adetka kin he niyepi. Tuwe mici un qa miś kici waun kin he waskuyeca ota icaḣya; miye kin en icunonpa yaunpi kinhan takudan oyakihipikte śni.

⁶ Tuwe mici un śni kinhan adetka iyecen tankan eḣpeyapi, hecen śnija aya; unkan hena wicaśta pahipi qa petan eḣpeyapi, hecen ḣuḣnaga, ece.

⁷ Miyeci yaunpi qa mioie kin he nicipi un kinhan, taku tona yacinpi kin hena yadapi kta, unkan ecen ecaniconpi kta.

⁸ Waskuyeca ota icaḣyayapi kinhan Atewaje cin nina yutanpi kta; qa heciya tanhan waonspeciciyapi yaunpi kta.

⁹ Atewaye cin token waśte makida kin he iyecen waśte cicidapi; mitowaśte kin he kici un po.

¹⁰ Mitawoahope kin duhapi kinhan, mitowaśte kin he kici yaunpi kta; Ate tawoahope mduhe cin heon towaśte kin kici waun kin he iyececa.

¹¹ Taku eciciyapi kin dena on mitowiyuśkin kin nicipi un ktae, qa nitowiyuśkinpi kin he ecetu niciciyapi kta.

¹² Mitawoahope kin he dee, waśtecicidapi kin he iyecen waśteyecidapi kta.

¹³ Tuwe takuwicaye cin on wiconi eḣpekiye cinhan, he wowaśte kin tuwedan kapeye śni.

¹⁴ Taku econ ciśipi kin owasin ecen ecanonpi kinhan takuciyapi yaunpi.

¹⁵ Ookiye wicayapi wanna eciciyapi śni; ookiye yapi un kin he Itancan ye cin taku econ keś sdonye śni. Tuka takuciyapi eciciyapi; Atewaye cin tona naḣonmaye cin owasin sdonye ciciyapi kin heon.

¹⁶ Niye he mayakaḣnigapi śni, tuka miye e cicaḣnigapi qa ciyusutapi; hecen tokiya dapi qa waskuyeca icaḣyayapi kta; qa waskuyeca nitawapi kin ohinniyan un kta; hecen micaje on Atewaye cin taku yakidapi kinhan nic̣upi kta ce.

¹⁷ Otoiyohi waśte kicida po, he iwahokonciciyapi ce.

¹⁸ Oyate kin śice nidapi eśta, he itokam miye śice madapike ciqon he sdonyayapi.

¹⁹ Oyate kin enitanhanpi unkanś oyate kin taku iye tawapi waśte kidapi kta; tuka oyate kin henitanhanpi śni, miye e oyate kin etanhan cicaḣnigapi kin heon oyate kin śice nidapi.

²⁰ Wicoie wan eciciyapi qon he yeksuyapi; Ookiye yapi un kin he Itancan yuhe cin kakipe c̣a iyotan tanka śni. Śicaya makuwapi hecinhan, niś oyate kin śicaya nicuwapi kta; qa mioie yuhapi hecinhan, niś nioie kin niciyuhapi kta.

²¹ Tuka micaje kin on hena owasin ecen ecaniconpi kta; tuwe u maśi kin he sdonyapi śni heon etanhan.

²² Wahi śni qa owicawakiye śni kinhan, woaḣtani nicapi kta tuka; tuka detanhan woaḣtani woakaḣpe nicapi.

²³ Tuwe śice madake cin he nakun Atewaye cin śice daka.

²⁴ Wicoḣan tuwedan hecen econ śni iyecen ecawicawecon śni unkanś, woaḣtani nicapi kta tuka; tuka wanna Atewaye cin kici wanmayakapi, qa napin śice undakapi.

²⁵ Tuka woope tawapi kin en wicoie kagapi qon he wanna iyecetu; Takudan on etanhan śni śice madakapi ce.

²⁶ Tuka Wicakicanpte, Atewaye cin etanhan uwaśi kte cin he, Wowicake Woniya kin hee, tohan hi kinhan, he iye Atewaye cin etanhan u kta, qa omayake kte cin hee.

²⁷ Qa niś nakun omayadakapi kta, toka ehantanhan miyahna yaunpi qon heon.