Johannes 14 - Dakota Wowapi Wakan Kin

¹ Ihnuhan eante niśicapi kinhan; Wakantanka wicayadapi, qa miś nakun wicamayadapi.

² Ate ti kin en ounyanpi kte cin ota yanka; he hecece śni unkanś ociciyakapi kta tuka; ekta wahde c̣a oyanke kin ciciyuśtanpi kta.

³ Ekta mde c̣a oyanke ciciyuśtanpi kinhan, hehan ake wau qa acihdapi kta; hecen miś waun kin he en niś nakun yaunpi kta.

⁴ Unkan tokiya mde cin he sdonyayapi, qa canku kin he nakun sdonyayapi.

⁵ Itancan, tokiya de cin sdonunyanpi śni, tokiya tanhan canku kin he sdonunyanpi kta he, Thomas eciya.

⁶ Unkan Jesus heciya; Canku, qa wowicake, wiconi ko he miye; tuwedan Ateyapi kin en u śni, miye eciyatanhan ecedan en u ece.

⁷ Sdonmayayapi unkanś nakun Atewaye cin sdonyayapi kta tuka; qa detanhan sdonyayapi qa wandakapi ce.

⁸ Itancan, Ateyaye cin wanyag unyan po, hecen iunmnanpi kta, Philip eciya.

⁹ Hehan Jesus heciya; Philip, wanna wanakajatanhan cicipi waun, tuka nahanḣin sdonmayaye śni he; tuwe wanmayake cin he Ateyapi kin wanyaka; hecen tokeca, Ateyapi kin wanyag unyan miye, eha he.

¹⁰ Atewaye cin he wecica qa Atewaye cin he micica kin he wicayada śni he. Wicoie eciciyapi kin dena miye cinka eciciyapi śni; Atewaye micica kin he wicoḣan kin hena iye econ.

¹¹ Atewaye cin he wecica qa Atewaye cin he micica he wicamada po; qa iś wicoḣan kin he na e on wicamada po.

¹² Wowicake, wowicake on heciciyapi; Tuwe wicamada kin he wicoḣan ecamon kin hena iś iyecen econ kta, nakun eeś sanpa tanka econ kta; Ate ekta wahde kte cin heon etanhan.

¹³ Qa micaje kin on taku yadapi kinhan, ecen ecamon kta; Ateyapi kin Cinhintku kin on yutanpi kta e heon.

¹⁴ Taku wanji micaje on yadapi kinhan, ecen ecamon kta.

¹⁵ Waśte mayadapika hecinhan, mitawoahope kin tanyan yuha po.

¹⁶ Hehan Ate cewakiye kta, unkan wicakicanpte wan tokeca ntc̣upi kta, he owihanke wanin nicipi un kta.

¹⁷ Wowicake Woniya kin hee, oyate kin he icu okihipi śni, tohinni wanyakapi śni qa sdonyapi śni; tuka niye he sdonyayapi, he nicipi un qa en niunpi kta.

¹⁸ Wamdenica eḣpeciyapi kte śni; ake cihdiyohipi kta.

¹⁹ Wanna ptenyedan kinhan oyate wanmayakapi kte śni, tuka niye wanmayadakapi kta wani waun, qa niś yani yaunpi kte cin heon.

²⁰ Anpetu kin he en, Atewaye cin he wecica, qa niś miyecicapi, qa miś ocicipapi kin he sdohyayapi kta.

²¹ Tuwe mitawoahope yuho c̣a, hena ope cinhan he waśtemadake cin ee; qa tuwe waśtemadake cinhan, Atewaye cin he waśtedake kta, qa miś nakun waśtewadake kta, qa en mihdutanin kta ce.

²² Hehan Judas, Iskariot hee śni, he heciya; He tokeca Itancan, unkiśnana sdonniye unyayapi kta he, qa oyate kin sdonniyanpi kte śni.

²³ Jesus waayupte c̣a heciya; Tuwe waśtemadake cinhan mioie kin yuhe kta; qa Atewaye cin waśtedake kta, qa tukten un kinhan en unhipi kta, qa ti kin en kici unyakonpi kta.

²⁴ Tuka waśtemadake śni kin he mioie kin yuhe śni. Wicoie nayaḣonpi kin de mitawa śni, Atewaya umaśi kin he iye tawa.

²⁵ Ocipapi kin en taku kin hena heciciyapi.

²⁶ Tuka Wicakicanpte, Woniya Wakan kin hee, Atewaye cin micaje on uśi kte cin he, taku owasin onspeniciyapi kta, qa taku eciciyapi kin owasin kiksuyeniciyapi kta.

²⁷ Wokiyapi aiḣpeciyapi; wookiye mitawa cic̣upi: wicaśta akantu kicic̣upi he iyecen cicupi śni. Ihnuhan cante niśicapi qa kopehda yaunpi kinhan.

²⁸ Wahde c̣a ake en ciupi kta eciciyapi kin he wanna nayaḣonpi. Waśte mayadapi kinhan iduśkinpi kta; Atewaye cin ekta wahde kta epe cin he; Atewaye cin he iye mikapeya tanka.

²⁹ Qa nakaha hena heciciyapi, taka kin itokam; tohan he hiyohi kinhan hehan wicayadapi kta.

³⁰ Detanhan taka ota eciciyapi kte śni; maka akan itancan kin wanna u, tuka miye kin en takudan tawa śni.

³¹ Tuka Atewaye cin waśtewakida; qa Ate taka emakiye cin owasin ecen ecamon ece, he oyate kin sdonyapi kta. Najin po, detanhan icunonpa unyanpi kta.