I. Korinth 10 - Dakota Wowapi Wakan Kin

¹ Mihunkawanji he de sdonye śni yaunpi kta wacin śni, hunkake wicunyanpi kin owasin maḣpiya śapakin ihukuya yukanpi, qa owasin miniwanca kin opta hiyupi.

² Qa owasin maḣpiya śapa qa miniwanca kin en Moses baptem wicaqu.

³ Qa owasin owasin woyute wakan wanjidan etanhan yutapi.

⁴ Qa owasin woyatke wakan wanjidan etanhan yatkanpi. Imnija wakan kin wicihakam iyaye ciqon he etanhan yatkanpi. Imnija kin he Messiya hee.

⁵ Tuka hena wicota Wakantanka iwicayuśkin śni, hecen makoskan iḣpayapi.

⁶ Unkan hena e waonspekiya unkitawapi kin eepi, hecen taku śica cantiheunyanpi kte śni, iś iye cantiheyapi qon iyececa.

⁷ Qa wakagapi ohoyadapi kte śni, iś iyepi wanjikji heconpi qon iyececa. Kaken wowapi en kagapi, Oyate kin wota qa wayatke iyotankapi, qa śkan najin hiyayapi.

⁸ Qa wiinaḣmanpi kin econkupi kte śni, iś iyepi wanjikji econpi qon iyececa; qa anpetu wanjidan en kektopawinge wikcemna nonpa sanpa kektopawinge yamni iḣpayapi.

⁹ Qa Messiya iyutan unyanpi kte śni, hena wanjikji iyutan yanpi qon iyececa; unkan wamduśka ihangwicayapi.

¹⁰ Qa wawiyahnupi kte śni, iś iyepi wanjikji wawihnupi qon iyececa, qa waihangye cin on yutakunipi śni.

¹¹ Hena taku kin owasin waonspekiyapi on en wicahiyahde, qa unkiyepi wicoicage owihanketa unyakonpi kin wahokonunkiyapi kte cin heon wowapi en kagapi.

¹² Hecen tuwe ṭinsa najin kecin kinhan, he wakta un nunwe, okinni iḣpaye kta.

¹³ Wowiyutanyan wan wicaśta sdonyapi śni ece kin en uniupi śni. Wakantanka wacinyepica, hecen wawoyakihipi kin isanpa iyutanniyanpi kta iyowinye kte śni, tuka wowiyutanyan kin he enakiye kta, hecen oyakihipi kta.

¹⁴ Heon etanhan waśte cicidapi kin, wakagapi ohodapikin nakicipa po.

¹⁵ Wicaśta wacin ksape cin hena hecen ewicawakiya, token epe cin niś iyukcan po.

¹⁶ Woyawaśte wiyatke unyawaśtepi kin he Messiya we kin en kodakiciyapi kin hee śni he. Aguyapi unkiyuśpapi kin he Messiya tancan kin en kodakiciyapi kin hee śni he.

¹⁷ Unkiye unkotapi, tuka aguyapi unwanjipidan, qa tancan unwanjipidan; unkiye owasin aguyapi wanjidan en akiptan unkopapi.

¹⁸ Wicaceḣpi eciyatanhan Israel oyate kin ekta ewicatonwan po. Tona wośnapi kin etanhan yutapi kin hena wahna wośnnpikin en opapi śni he.

¹⁹ Heon token epe kta he: Wakagapi kin he taku, qa iś taku wakagapi wakiyuśnapi kin he taku tanka he: Hiya.

²⁰ Tuka taku Ikcewicaśta kin wayuśnapi ece kin hena Wakan śica wakiyuśnapi, qa Wakantanka wakiyuśnapi śni. Urkan taku wakan śicapi kin en oyecipapi kta wacin śni.

²¹ Itancan tawoyatke qa nakun taku wakan śicapi tawoyatke kin yatkan oyakihipi śni. Itancan kin wahna wotapi tawa kin en oyapapi, qa nakun taku wakan śicapi wahna wotapi tawapi kin en oyapapi kta oyakihipi śni.

²² Itancan kin śihda unyanpi kta he. Iye sam iyeya waunśakapi he.

²³ Taku owasin iyenaicihantu tuka owasin taku waśte icaḣye śni. Taku owasin iyemicihantu tuka owasin waonspekiye śni.

²⁴ Tuwedan iśnana taku amnaic̣iye kte śni, tuka otoiyohi taku tokan tawa kte cin he akicicite kta.

²⁵ Taku owasin tihocoka kin ekta wiyopeyapi kin he yuta po, qa wiyukcanpi kin on takudan iwangapi śni po.

²⁶ Maka kin de taku ohnaka ko Itancan kin tawa.

²⁷ Wicaśta wicadapi śni kin wanji nicopi, qa ekta dapi tawaṭenyayapi kinhan, taku nitokam ehdepi kin he yuta po, qa wiyukcanpi on wiwangapi śni po.

²⁸ Tuka tuwe, De wakagapi wakiyuśnapi ce, eniciyapi kinhan, yutapi śni po, tuwe oniciyakapi qa wiyukcanpi kin hena on. Maka kin de taku ohnaka ko Itancan kin tawa.

²⁹ Wiyukcanpi kin cajemdata, niye nitawa śni tuka tokan tawa kin he waka. Tokeca tawa miciye cin he wicaśta tokeca tawiyukcan kin on mayacopi kta he.

³⁰ Wowaśte on en owape cinhan, tokeca e taku on wopida epe cin he on mayaśicapi he.

³¹ Heon wayatapi qa wadatkanpi, qa taku kaśta ecanonpi kin owasin Wakanatanka yatanpi kta e on econ po.

³² Juda oyate, qa Helenes oyate, qa Wakantanka taokodakiciye tuwedan ican nyayapi kte śni.

³³ Qa miye taku owasin on owasin iyokipi wicaway cin he iyececa, taku mduhe ktecin he awakite śni, tuka taku icota yuhapi kte cin, hecen nip kta.