Hebrew 6 - Dakota Wowapi Wakan Kin

¹ Heon etanhan Messiya woonspe tokaheya tawa kin he hekta eḣpeunkiyapi, qa woyuśtan ekta unyanpi kta; wiconṭe wicoḣan on iyopeic̣iyapi, qa Wakantanka wacinyanpi kin taku ahe cin akta eunhdepi kte śni;

² Baptem eyapi woonspe kin, qa nape on awicaputakapi, qa wioaṭe cin ekicetuwicayapi, qa woyaco owihanke wanice cin hena koya.

³ Unkan Wakantanka iyowinunkiyapi kinhan, hecen econkupi kta.

⁴ Tona wancadan iyoyanpapi, qa maḣpiya tanhan taku wicaqupi kin he utapi, qa Woniya Wakan kin etanhan okinipi;

⁵ Qa Wakantanka oie waśte kin he utapi, wiconi u kte cin wowaśake kin nakun;

⁶ Hena ayuśtanpi hecinhan, ake piya iyopeic̣iye wicakiyapi kte cin he okihipica śni; iye atayedan Wakantanka Cinhintku can susbeca en piya okatanpi, qa taninyan wowiśtenyapi kin heon etanhan.

⁷ Maka kin ota amagaju kin he yuḣepe c̣a, tona kicanyanpi kin hena on taku peji iyecetuya aicage cin he Wakantanka yuwaśte.

⁸ Tuka taku takanheca hu, qa wapepeka aicage cin he eḣpeyapi, qa yaśicapi kte cin kiyadan ihan, he owihanketa ḣuḣnage kta.

⁹ Tuka, waśtecicidapi kin, hena hecen unkeyapi eśta, niyepi kin on taku sanpa waśte qa wiconi en ope cin hena en niunpi e sdonunyanpi.

¹⁰ Wakantanka owotanna, qa heon wicoḣtani, qa wowaśte wokicanye nitawapi, iye caje kin on ecanonpi, tona owotanna un owicayakiyapi, qa nahaḣin owicakiya dukanpi kin he akitonje kte śni.

¹¹ Unkan niyepi otoiyohi owihanketa, woape woyuśtan kte cin hehanyan iyecen amnihenic̣iyapi kta uncinpi.

¹² Qa nikujapi kte śni, tuka tona wicadapi, qa wacintankapi on, taku iwahowicayapi qon wanna yuhapi kin, hena owicayapapi kta.

¹³ Wakantanka Abraham taku iwahoye c̣ehan, taku sanpa tanka cajeyate kta wanica, heon iye atayedan cajeihdata;

¹⁴ Qa heya, Awicakehan wo waśte on ciyawaśte kta, qa yuotapi kin on yuotaciye kta ce.

¹⁵ Unkan waḣbayedan ape yanke cin he iyohakam taku iwahoyapi qon ekicicetu.

¹⁶ Wicaśta akantu taku iyotan tanka cajeyatapi ece; qa wokonze woyusuta kte cin he waakinicapi owasin en woanapte kin hee.

¹⁷ He en, Wakantanka, tona taku iwahoyapi qon tawapi kte cin hena en, iye tawacin yuhohopica śni kin he iyotan sdonye wicakiye kta cin, qa heon wokonze on hdusuta.

¹⁸ Heon taku nom yutokecapica śni, en Wakantanka itonśni okihipica śni kin hena taku kin on etanhan, tona woape unkitokam ehdepi kin en onaunpapi kin wicakicanpte wan waśaka unhapi kta.

¹⁹ He unhapi, wicanagi taku on aspeic̣iya, wicakapi qa suta kin hee, taku tipi cokaya hnakapi kin mahen tanhan un kin he en aspeic̣iya.

²⁰ Heciya Jesus kahin tokam ye cin unkiyepi on timahen iyaya, he Melkizedek ouncage kin iyecen Wawayuśna Itancan kin heca kagapi.