Hebrew 2 - Dakota Wowapi Wakan Kin

¹ Heon etanhan taku naunḣonpi; kin hena tohinni unkikusepi kte śni e on sutaya awauncinpi kta.

² Wicoie maḣpiya ohnihde oyakapi qon he suta, qa tona anagoptan śni, qa he kaśeye cin hena owasin iyacinyan woyaco owotanna icupi hecinhan;

³ Unkiye wiconi hinsko tanka kin unkaktapi śni kinhan, token naunpapi kta he. He tokaheya Itancan kin oyake c̣a, tona naḣonpi kin hena atayedan unkokiyakapi:

⁴ Wakantanka iś eya, iye tawacin kin eciyatanhan, wicakiciyaotanin, wowapetokeca taku on yuśinyewicaye cin hena ko, waśagya econpi ota, qa Woniya Wakan wicakipamni kin hena on etanhan.

⁵ Wicoicage u kte cin cajeunyatapi kin he maḣpiya ohnihde kin yuhewicakiye śni.

⁶ Tuka wanji tukten yaotanin qa heya, Wicaśta kin he taku he, on yeksuye kta he; qa wicaśta cinhintku kin, hecen awanyahdaka he:

⁷ Maḣpiya ohnihde kin kitanna ihukuya yakage c̣a, wowitan, woyuonihan ko wateśdake yecaton, qa taku nape on yakage cin hena yuheyakiya:

⁸ Qa iye siha kin ihukuya taku owasin eyahnaka. Taku owasin iye ihukuya ehnake cin, hecen taku ihukuya ehnakapi śni kin takudan okapte śni. Tuka nakaha nahaḣin taku owasin ihukuya ehnakapi kin wauunyakapi śni.

⁹ Tuka Jesus wiconṭe kakijapi kin on, maḣpiya ohnihde kin kitanna ihukuya kagapi kin he wowitan, woyuonihan ko wateśdag kiton kin he wanunyakapi, hecen iye, Wakantanka towaonśida kin eciyatanhan, wicaśta kin owasin on wiconṭe sdonye kta.

¹⁰ Tuwe iye tan tanhan taku owasin un, qa iye on taku owasin un kin he cincaota wowitan ekta wicahdoye kte cin on, wiconi tawapi kte cin mdetahunka kin he wokakije on ecedan kage kta e iyokipi.

¹¹ Hecen tuwe wicayuecedan, qa tona yuecepidan kin hena owasin okonwanjipidan; heon etanhan hena hunkawanjin wicakiya kewicakiye kta iśtece śni;

¹² Qa hecen eya, Nicaje kin mihunkawanji owicawakiyake kta, qa okodakiciye kin cokata icidowan kta ce.

¹³ Qa ake, He wacinwaye kta ce. Qa ake, Iho, miye, qa cinca Wakantanka maqu kin hena.

¹⁴ Cinca kin hena wicaceḣpi, qa wicawe kin en opapi kin heon iś iye hena en opa; hecen tuwe wiconṭe wowaśake yuhe cin, Wakanśica hec, e ihangye kta;

¹⁵ Qa tona tohanyan ni unpi kin hehanyan wiconṭe ikopapi kin on wowidake unpi kin hena ewicahdaku kta.

¹⁶ Awicakehan maḣpiya ohnihde kin he koyake śni, tuka Abraham cinca kin hecen ihduza.

¹⁷ Heon etanhan taku owasin en, iye hunawanjinwicaye cin iyecen ikicage kte cin he hecetu; hecen taku Wakantanka tawa kin en, Wawayuśna Itancan waonśida, qa wicake kta, qa oyate waḣtanipi kin on wookiye wicakicage kta.

¹⁸ Iye, iyutanyanpi kin on, atayedan kakije cin, heon etanhan tona iyutanwicayapi kin hena ewicahdaku kta okihi.