U-Isaya 12 - Contemporary Zulu Bible 2024

U-Isaya 12

¹ Ngalolosuku uyakuthi: Jehova, ngiyakukubonga; nakuba wawungithukuthelele, intukuthelo yakho yaphenduka futhi wangiduduza.

² Bheka, uNkulunkulu uyinsindiso yami; ngiyakwethemba, ngingesabi, ngokuba iNkosi uJehova ingamandla ami nehubo lami; waba yinsindiso yami.

³ Ngakho niyakukha amanzi ngokuthokoza emithonjeni yensindiso.

⁴ Ngalolo suku niyakuthi: Dumisani uJehova, nibize igama lakhe, nimemezele izenzo zakhe phakathi kwezizwe, nisho ukuthi igama lakhe liphakeme.

⁵ Hlabelelani inkazimulo kaJehova; ngoba wenzile izinto ezinhle kakhulu; kuyaziwa emhlabeni wonke.

⁶ Memeza ujabule, wena owakhileyo eSiyoni, ngokuba mkhulu oNgcwele ka-Israyeli ophakathi kwakho.