Salmo 92 - Kuna San Blas

Bab-Dummad-nued-daed-ular, ega namakleged

We-namaked obunnoged-ibagi namakleged.

¹ Bab-Jehová, bega-doggus-nuedye-soglegedi, ibiyobi dog-nuedi. Bab-Dummad-Bur-Birigined, be-nuggi-namakedi, ibiyobi dog-nuedi.

² Wakudaryalaba be-sabgued-dummadgi-namakedi, ibiyobi dog-nuedi. Mutikidba be-innikidaedgi-namakedi, ibiyobi dog-nuedi.

³ Gar-oimakar-goledba-namaked, gar-lira-goledba-namaked, ibiyobi dog-nuedi. Gar-arpa-goledba-namaked, gar-salterio-goledba-namaked, ibiyobi dog-nuedi.

⁴ Bab-Jehová, be be-ibmar-gegerdaklemalad-imakedba, weligwar be an-imaked. A-ulale, be-ibmar-imaksadba, an weligwar-itoge an bega binnasur namakoed.

⁵ ¡Bab-Jehová, ibibayobi be-ibmar-imaksad dummarba-gue! Bab-Jehová, be-binsaed bela-bela yeer-gangusoggu,

⁶ dule-binsaedsulidaed, magar itosulid, dule-ibmar-wissulid, aku itoged.

⁷ Amba dule-isganamar gaganyobi ainialile, dule-galagwensulidamalad dutuyob achunnalile, unnila degisadegu-berguega gumaloed.

⁸ Bab-Jehová, bebi unnila degisadegu bur-gandikidga maid.

⁹ Bab-Jehová, napiragwa, be-isdarmalad berguoed, bela dule-galagwensulidamaladi oaisakilegoed.

¹⁰ Bedi moli-bebe-nikad-ursilid-gangued-nikadyobi anga gargangued uked, gwallu-wawad-bur-nuedgi be an-nono wawamaksad.

¹¹ An-isdarmalad-galakusad-dakega, be an-imaksad, an-isdarmalad-obelolesad-itogega, be an-imaksad.

¹² Dule-nuegan, ogob-sanmakedyobi gumalad, Líbano-yargi urwarmar-dungumaiyobi gumalad.

¹³ Dule-nuegan, Bab-Jehováʼse-goled-neggi sapi-digar-gwichiyobi gumalad, anmar-Bab-Dummadse-goled-neg-imbagi dutuyobi achutemalad.

¹⁴ Dule-nuegan, amba sered-ugakine, sanmakgwichi gumaloed, san-nued-gudii, dutusur-gudii gumaloed,

¹⁵ adi, sogmalaga: “Bab-Jehová dule-innikigwadye. Bab-Jehová an-gandikidye, egine igar-isgana-imaked naisurye.”