Salmo 87 - Kuna San Blas

Bab-Dummad-e-neggweburga namakleged

Coré-wagan, we-namaked narmaksad.

¹ Bab-Dummad-e-neggwebur-e-negsailamar yar-islidikidgi mamaid.

² Bab-Jehová Jacob-wagan-e-negmarba bur bule Sión-yawagakmar sabed.

³ Bab-Dummad-neggwebur, ibiyobi be-yeerdaklegedginbi sunmakmalad.

⁴ Bab-Jehová soged: “Neggweburmar-magar-an-dakmalad-abargi sunna an we-neggweburmar bie-bie saed: Rahab, Babilonia. Filistea, Tiro, Etiopía. We-neggwebur-e-dulemar-annik sogleged: ‘Sión-neggweburgi Bab-Dummad-magar-daksamarye.’ ”

⁵ Sión-neggweburnik soglegoed: “We-dule, degi, wemoga, Siónʼgi gwalulesmarye.” Bab-Dummad-Bur-Birigined na e-sunnad Sión-neggwebur sisad.

⁶ Bab-Jehová neggweburmar-nug-mamaid-gardagi narmakoed: “We, Sión-neggweburgi gwalulesye.”

⁷ Namaknanaidgi, degi, gwirnanaidgi, sognanaid: “Anmar begi bela-danikid.”