Salmo 81 - Kuna San Blas

Bab-Dummad e-dulamargi nueddaed

Asaf, we-namaked narmaksad.

¹ Bab-Dummadga weligwaledgi namakmala, e anmar-ogannogedid. Jacob-e-Bab-Dummadga binnasuli weligwaledgi namakmala.

² Namakmala, gar-pandero ogormala, gar-lira ogormala, gar-arpa ogormala.

³ Nii-binid-gwisgunonikidgi, gar-trompeta ogormala. Nii-dalu-naidgi anmar-iba-dummad-guedgi, gar-trompeta ogormala.

⁴ Ar weyob-imakoye Bab-Jehová Israel-dulemarga igar uksad, weyob Jacob-e-Bab-Dummad igar mesisad.

⁵ José-wagan Egipto-yargi noargu, Bab-Dummad José-waganbo igar mesisad.

⁶ Dule-sunmaked an itosad, an wissulid, doa anga sunmake. Anga weyob soged: “Be-gukingi be ibmar-ukusulid-semaid an bega osulosad. Arbaed-dummad be imakdiidi an bega obelosad.

⁷ Bemar suli-suli-itoarmargua, be anse gochamalad, agine, an be-bendaksamalad. Mogir-gudureged-imbaba, an be-abin-imaksamalad. Mar-gollomakmaid-abargi, an be-abin-imaksamalad. Meriba-dii-naba an bemar-wilubdaksad.

⁸ ”An-dulamar, an be-owisogega bega ibmar-sogedi, be itomala. Israel-dulemar, bitigi be an-itosmalana gadin.

⁹ Bab-dummagan-bamalad be-Bab-Dummadga be imakosurmalad, bab-dummagan-bamalad-asabin, be yokorgi sindigar sigosurmalad.

¹⁰ Ani, an be-Bab-Dummad-Jehová gued. Ani an Egipto-yargi bemar-onosad. Guagwar be bukumala, an bemarga mas-obinebaka ukoed.

¹¹ ”Degi-inigwele, an-dulamar an-itossurmalad, Israel-dulemar anba ibsabisur gusad.

¹² A-ulale, na e-itolegedba-ibmar-imakega an imaksad. Na e-itolegedba-nanadii gusmarsunnad.

¹³ ”Ar an-dulamar an-itosana, ar Israel-dulemar an-igar-mamaidba nanasmalana,

¹⁴ an ega e-isdarmalad irgwensuli osulosanad, an e-isdarmalad sabsur-odurdaksanad.

¹⁵ Dulemar-Bab-Jehová-isdar-dakmalad, Bab-Jehová-e-nug bela-bela odummodmaloenad. Degi-inigwele, an a-dulemar degisadegu sabsur-odurdakoed.

¹⁶ An-dulemardi trigo-gwag-bur-nuedgi an oguchaled, akwamargi-achanis-nanaidgi, immerba-itomalaga an imaksaled.”