Salmo 8 - Kuna San Blas

Bab-Dummad-e-gangued, degi, dulemar-e-gangued

Igi uva-nis-egurelealir gar-ogorledae, deyob ogoloye.

¹ Bab-Jehová, be anmar-Dummad gued. Ibiyobi bela we-napneggine, be-nugdi dummarba gue. Bela be-ganguedi nibnegse-bakale, magar-yeerdaklege be nasiksad.

² Be-isdarmalad-begi-yolesad-ular, burwigan-namakedgi, mimmigan-namakedgi, be-nug-odummoged-igar be mesisad. Adi, be-isdarmalad, dule-begi-gwisgudimalad, be-abin gaya-maklegar sigegar.

³ Bab-Dummad, mogir-billigi be-ibmar-nasiksad an nue dakdele, nii-naid an nue dakdele, niisgwamar-naid an nue-dakdebalile,

⁴ Bab-Dummad, an binsaddaed: “¿Wede, dule ibusunna, egi be binsanonigu? ¿Wede, dule ibusunna, be akwenonigu?”

⁵ Ar dule baliwiturmarba wis yaisaale be imaksad. Napneggi, dummadga-guega, gangued-yeerdakleged bela-bela-nikuega be nug-imaksad. Degi, nug-dummarba-nikuega be imaksabalid.

⁶ Bela be ibmar-obinnisadgi gangued-nika-guega be dule-imaksad. Bela e-argan-yaurgi we-ibdurgan ega be uksad:

⁷ Bela sibad-wawaadmar, bela moli-bebe-nikamalad, bela ibdurganmar-sapurba-bukwamalad.

⁸ Bela nuumar, bela demar-wilaganba uamar-iirmakbukmalad, degi, muu-billigi, bela ibdurganmar-bukwamalad. Bela we-ibdurgangi gangued-nika-guega, be dule-imaksad.

⁹ Bab-Jehová, be anmar-Dummad gued. Ibiyobi bela we-napneggine, be-nugdi dummarba gue.