Salmo 47 - Kuna San Blas

Bab-Dummad bela napneg-naid-e-reyd

Coré-wagan we-namaked narmaksad. Namakmalad-e-iduedga soglenaid.

¹ ¡Bela-dulamar, argan ogormala! ¡Weligwaledgi binnasuli Bab-Dummad-nug odummomala!

² Ar Bab-Jehová-Bur-Birigined, dule-buledid, bela napneg-e-rey-dummadid.

³ Neggweburmargi-obinega anmar-imaksad, dule-yar-baid-baidgi-bukmaladgi-nakwega anmar-imaksad.

⁴ Bab-Jehová, anmarga we-yar susad, we-yar, Jacob-nug-dummarba-imakedid. Bab-Jehová na we-Jacob-wagan-sabgusadid.

⁵ Bab-Dummad dulemar-weligwar-oimakmalad-abargi, gar-trompeta-goled-abargi, e-ologanase nakwemai gusad.

⁶ ¡Namakmala! Bab-Dummadga namakmala. ¡Namakmala! Anmar-reyga namakmala.

⁷ Ar Bab-Dummad bela napneg-e-reyd. ¡Ise-itoagwar namakmala!

⁸ Bab-Dummad dulemar-yar-baid-baidgi-bukmalad-e-reyga maid, Bab-Dummad e-ologan-islidikidgi siid.

⁹ Dule-dummagan-neggwebur-dakmamaidi, Abraham-e-Bab-Dummad-e-dulamarbo onmaksamalad. Ar dule-dummagan-negdakmamaidi, Bab-Dummadgadid. ¡Bab-Dummad bela-bela odummoleged!