Salmo 43 - Kuna San Blas

Igar-innikigwad-imakega Babse-goled

¹ Bab-Dummad, anga be igar-naboge, dule-beba-naisurmalad-abin be an-idu gwisgue, dule-isganamargi, dule-gakansilimargi be an-ollorsae.

² Bedi an-Bab-Dummadid, be an-ganguedid. ¿Ar ibiga be an-obacha? ¿Ar ibiga an-isdarad an-sabsur-imaked-ular, an wile-itodioe?

³ Be-magar-ito-ibmar-imakedi, be-igar-napiragwadi, be anga udage. Adi, igar-nuedba an-idugega, be-yar-islidikidse an-nidega, be-maidse an-sedegar.

⁴ Bab-Dummad, be-ibmar-ukleged-ailase an warmakoed. Agi, an gar-arpaʼba bega namakoed. Ar be, an-Bab-Dummadid, weligwar be an-imakedid.

⁵ ¿Ibiga an suli-suli-itogoe? ¿Ibiga an bukib-itogoe? ¡Gwen an deyob itogewilubsulinad! Bab-Dummad-abitodii an guoed, Bab-Dummad-e-nug-odummodii amba an guoed. Ar Bab-Dummad, an-abonogedid. Bab-Dummad, an-Bab-Dummadid.