Salmo 16 - Kuna San Blas

Bab-Dummadgi an bensulid

David namaked-Mictam narmaksad.

¹ Bab-Dummadye, be an-bendake, an begi dukued amidiid.

² Bab-Jehováʼga an sogsad: “Bebi unnila be an-Dummadga-guye, dule-baidgi ibnued an amisurye, unnila beginbi ibnued an amiye.”

³ Dule-gwage-swilidikmalad we-yargi-bukmaladgi an yeer-itoged. Dule-gwage-inniki-gudimaladgi an yeer-itoged.

⁴ Dulemar ibmar-bab-dummadyob-imaklemaladga nue-alamakdimaladdi, dukin nunmaked-onasguega imakdimalad. Andi, ibmar-bab-dummadyob-imaklemaladga ablis-uklegedi, bipisaale gwen ukosulid. An-gwabindukubela, gwen e-nug biosulid.

⁵ Bab-Jehová, bela ibmar-nueganba be anga ibmar-biriginedga gued. Be angi doggus ise-nued-binsamaid. An-san-burba, bela be-argan-yaurgi siid.

⁶ Napa-nuegan be anga uknonikid, napadar-nued be anga daksad.

⁷ Bab-Jehová-anga-binsaed-ukmaid-nug an odummogoed. E-binsaedi, mutikidba an-ulubgi, anga ibmar-soge an itodaed.

⁸ Gusgu Bab-Jehováʼse an idaked, ar anba-gudiguad. Ar an-yalaba gwichigusoggu, dule gwen an-oakalogosulid.

⁹ A-ulale, an-gwagegi an yeer-itoged. Bela an-ulubgi an weligwar itoged. Bela an-san-burba begi-bensuli gudii guoed.

¹⁰ Gwen be an-san-burba neg-uangi oyogsaosulid, ar be-mai-gwage-swilidikid-e-mui gwen neg-uangi onunsaega be imakosulid.

¹¹ Igar-nuedba-gudigued be anga oyosad, be-asabinni bela-belad weligwar-gudii be an-imaked. Be-yalaba degisadegu-gudiid an yeer-itoged.