Salmo 15 - Kuna San Blas

Bab-Dummadse-goled-neggi-gudimaloed

David we-namaked narmaksad.

¹ Bab-Jehováʼye, ¿doa bese-goled-neg-selegedgi nabir mai guoe? ¿Doa be-yar-islidikidgi nabir gudii guoe?

² Unnila weyob-damaladbi gudii guoed: Dule-inniki-nanadiid, dule-igar-innikigwad-imakdiid, dule-napiragwadba-ibmar-soged.

³ Dule-baidgi-wissur-gakansaed, dule-aimar-naibi-imakdisulid, dule-emar-mesagwar-imakdisulid.

⁴ Dule, dule-Bab-Jehováʼse-obanlesad obanmogad. A-dule, Bab-Jehová-dobekwaa-nanadiid-e-nugdi ogannoged. Dule, ibmar-imakoye-sogsad, ega nuedga-guosur-inigwele, imakedse-daed.

⁵ Dule, dule-baidga mani-uksale, e-gaka egi-onosulid. Dule, dule-ibmar-oakalossulidgi-aibinega dule-baiganse manigi-bakledisulid. Ar dule weyob-daedi, bipisaale gwen galakuosulid.