Salmo 145 - Kuna San Blas

Bela dulemar Bab-Dummad-nug-odummomar

Bab-Dummad-nug odummomar. David, we-namaked narmaksad.

¹ An-Bab-Dummad, an-Rey, be-nug an odummogoed. Degisadegu, be-nuggi nued sunmakdigu an guoed.

² Bane-bane degisadegu, be-nug-odummodii an guoed.

³ Bab-Jehová, Dule-Dummadid. E-nug nue-odummolegergebed. E-nug-dungued dule magar itogosurguoed.

⁴ Bab-Dummad, babgan be-ibmar-imaksamaladi, e-mimmiganga sogoed. Be-ibmar-dummagan-imaksamaladi, e-mimmiganga sogoed.

⁵ Be-ganguedgi, be-yeerdaklegedgi, an sunmakdii guoe. Be-ibmar-dummagan-imaksamaladgi, an binsadii guoe.

⁶ Be-ibmar-dummagan-imakedgi dulemar, sunmakmaloed, be dule-dummad-guedgi, an sunmakoe.

⁷ Be-sabgued-dummarba-nikadgi, sunmakmaloed, be-ibmar-inniki-imakedgi, namakmaloed.

⁸ Bab-Jehová wile dulemar-dakdaed, nue dulemar-sabdaed. Bab-Jehová wissur gwae-gwae urwed, nue dulemar-sabgumaid.

⁹ Bab-Jehová bela dulemargi nueddaed. Bela na e-ibmar-imaksad nue-sabed.

¹⁰ Bab-Jehová, bela be-ibmar-obinnisadi, be-nug odummosunna. Be-sordamar-napiramalad be-nug odummomarmosunna.

¹¹ Be gannarba-negsemaidgi, sunmakmarsunna. Be-ganguedgi sunmakmala.

¹² Adi, dulemar be-ibmar-dummagan-imaksad wisgumalaga, be-yeerdakleged, be-gangued wisgumarbaligar.

¹³ Be-negsemaidi, degisadeguoed, be-neg-ganikidi, berguosulid.

¹⁴ Bab-Jehová dule-wis-gwatirisdibe, dule-ogwisdaed, dule-nollo-itomalad ogannodaed.

¹⁵ Bab-Jehová bela ibmarmala ega be mas ukega bese atakbubuk-naed. Ega be iba-sekalaa masgunned ukmaid.

¹⁶ Nalledginsuli ega be mas ukmaid. Bela ibmar-dulaga mas unnitibali be ukmaid.

¹⁷ Bab-Jehová, bela-be-ibmar-imakedi, innikigwadbi imaked. Bela nue-sabedgi be ibmar imaked.

¹⁸ Bab-Jehová, dule-ese-napiragwadgi-gordimalad-bendakega egi walikaa gudidaed.

¹⁹ Bab-Jehová, dule-e-sabee-gudimaladga ibmar-abemalad ukdaed. Amar-ese-ibmar-egisedi ega ukdaed.

²⁰ Bab-Jehová, dule-e-sabgudimalad-edarbedii daed. Ar dule-isganadi bela obelogoed.

²¹ Bab-Jehová, an be-nugdi ogannosunna. Bela ibmarmar be-nug ogannomarmosunna. Degisadegu, be-nug ogannodii gumarsunna.