Salmo 140 - Kuna San Blas

An-bendakye, Bab-Dummadse-goled

David namakmalad-e-iduedga namaked narmaksad.

¹ Bab-Jehová, dule-isganamargi be an-ollor-imake. Sabesur-dule-imakmalad-idu be an-odukue.

² Ar unnila e-gwagegi, ibmar-isgana-imakedginbi binsadii daed. Bane-bane urwed-onodii daed.

³ Naibe-nued-gangueyobi, e-gwabin-duku gued. Naibe-nued-e-gichi-boniyobi, e-sunmaked sedimalad.

⁴ Bab-Jehová, dule-isganamar-e-gangued-idu be an-odukue. Sabesur-dule-imakmaladgi be an-ollor-imake, ar an-ogalakuedgi binsadidamalad.

⁵ Dule-san-dummarba-imakmalad, an-yardakmalaga, an-idu dub nasiksamalad. An-idu igargi saki nasiksamalad. An-nanaedgi an-idu yardakleged-galu osismalad.

⁶ An Bab-Jehováʼga sogsad: “Be an-Bab-Dummadid. Bab-Jehová, wilesakwaa an bese-goledi be an-itoge.”

⁷ Bab-Jehová-Dule-Dummad, be an-Bab-Dummad-bur-gandikidid. Bila-onolegedgi be an-bendakedid.

⁸ Bab-Jehová, dule-isganamar e-ibmar-imakbiedi, melle imakega be imake. Melle na san-dummarba-itomalaga be imake, melle e-igarmar-nasgumai be imake.

⁹ Bab-Dummad, dule-an-balegindimalad, an-wiogega-igar-isgana-amismalad egi dukin-aibinega be imake.

¹⁰ Wemargine, sogun-ginnitibiid babatega be imaksun. Soo-yagine balimelledega be imaksun. Melle bar noega yaa-matusulidgi-argwanega be imaksun.

¹¹ Dule-geg-gwabin-duku-bargaed, napneggi gudigu guosulid. Sabsur-dule-imakmalad, boni-dummaganse obelolesun.

¹² An wisid, Bab-Jehová, dule-wile-itodiidga igar naboged, dule-ibmarbina-sogdimalad, Bab-Dummad bendaked.

¹³ Dule-nuegan, be-nug-odummomaloed. Dule-innikimalad be-walik-gudii gumaloed.