Salmo 138 - Kuna San Blas

Bab-Jehová-egi-nued-binsasadba dog-nuedye-soged

David namakleged narmaksad.

¹ Bab-Jehová bela-bela an-ulubgi an be-nug odummoged. Baliwiturmar-asabin an bega namakoed.

² Bese-gorleged-neg-islidikid-siidsiki an dulluu napagi sigoed. Be-sabed-dummarba-maidbali, sogedba be ibmar-imakmaidbali, an be-nug odummogoed. Bab-Dummad, be ibmar-imakoye-sogsad, bela ibmar-birgi, sogedba be imaksad. Degidba be-nug na be ogannosad.

³ Bab-Dummad, an bese gochagua, be an-abin-imaksad, be an-niga ogannononikid.

⁴ Bab-Jehová, bela-reymar-we-napneggi-mamaid, bela be-sunmaked-itomaloedba, be-nug odummodmaloed.

⁵ Bab-Jehová-Igar-Mamaidgi namakdemaloed. Ar Bab-Jehová-e-gargangued dummarba gued.

⁶ Bab-Jehová, dule-biriginedid. Bab-Dummad, dule-na-san-dummarba-imaksulidgi, nued binsaed. Bab-Dummad, dule-na-san-dummarba-imakdiiddina, obaned.

⁷ Amba an bonigan-abalagi-gudidibe, amba dula-gudii be an-imakoed. Bab-Jehová, an-isdarmalad-urwedgi, be an-bendakoed. Be-ganguedba be an-bendakoed.

⁸ Bab-Jehová, angine bela ibmar-imakoye-sogsad imakedsegad. Bab-Jehová, be-sabgued gege gwaged, degisadeguad. Bab-Dummad, be an-obinnissoggu, mer wargwen be an-meto.