Salmo 136 - Kuna San Blas

Bab-Jehová dule-sabgumaiguad

¹ Bab-Jehová-e-nug odummomar, ar Bab-Jehová, dule-nuedid. Ar e-sabguedi, degisadeguad.

² Bab-Dummadbi-wargwenna-maid-e-nug odummomar. Ar e-sabguedi, degisadeguad.

³ Bab-Dummad-Bela-Gangued-Nikad-e-nug odummomar. Ar e-sabguedi, degisadeguad.

⁴ Bab-Dummadbi ibmar-gegerdaklemalad imaked. A-e-nug odummomar. Ar e-sabguedi, degisadeguad.

⁵ Bab-Dummad e-ibmar-wisidbali, nibneg-nasiksad. A-e-nug odummomar. Ar e-sabguedi, degisadeguad.

⁶ Bab-Dummad diigine napneg nasiksad. A-e-nug odummomar. Ar e-sabguedi, degisadeguad.

⁷ Bab-Dummad gwallu-dummagan nasiksad. A-e-nug odummomar. Ar e-sabguedi, degisadeguad.

⁸ Bab-Dummad dad-ibeler-neg-ibgi-gaega imaksad. A-e-nug odummomar. Ar e-sabguedi, degisadeguad.

⁹ Bab-Dummad nii-mutik-gaega nasiksad, niisgwamar neg-mutikid-gaega imaksad. A-e-nug odummomar. Ar e-sabguedi, degisadeguad.

¹⁰ Bab-Dummad, Egipto-dulemar-e-masmala-sailaginmalad oburgwisad. A-e-nug odummomar. Ar e-sabguedi, degisadeguad.

¹¹ Bab-Dummad, Egipto-yargi Israel-dulemar onosad. A-e-nug odummomar. Ar e-sabguedi, degisadeguad.

¹² Bab-Dummad gangued-nikadba e-sakwa oyogwichigusad, e-surgan oyogwichigusad. A-e-nug odummomar. Ar e-sabguedi, degisadeguad.

¹³ Bab-Dummad, Demar-Ginnidye-nugad egasad. A-e-nug odummomar. Ar e-sabguedi, degisadeguad.

¹⁴ Bab-Dummad, Israel-dulemar-demargi-obakega imaksad. A-e-nug odummomar. Ar e-sabguedi, degisadeguad.

¹⁵ Bab-Dummad, Demar-Ginnidye-nugadgi we-Faraón, e-sorda-bila-onomaladmala, ogundisad. A-e-nug odummomar. Ar e-sabguedi, degisadeguad.

¹⁶ Bab-Dummad, e-dulamar-nega-dulesulidganba niargusad. A-e-nug odummomar. Ar e-sabguedi, degisadeguad.

¹⁷ Bab-Dummad, rey-nuga-nikamalad oburgwisad. A-e-nug odummomar. Ar e-sabguedi, degisadeguad.

¹⁸ Bab-Dummad, rey-gandikmalad ogilosad. A-e-nug odummomar. Ar e-sabguedi, degisadeguad.

¹⁹ Bab-Dummad, Amorreo-e-rey-Sehón oburgwisad. A-e-nug odummomar. Ar e-sabguedi, degisadeguad.

²⁰ Bab-Dummad, Basán-e-rey-Og oburgwisad. A-e-nug odummomar. Ar e-sabguedi, degisadeguad.

²¹ Bab-Dummad, we-reymar-e-yarmar e-dulamarga uksad. A-e-nug odummomar. Ar e-sabguedi, degisadeguad.

²² Bab-Dummad, e-mai-Israel-dulemarga yar uksad. A-e-nug odummomar. Ar e-sabguedi, degisadeguad.

²³ Bab-Dummad, anmar-nue-yegus-gunanaidgi anmar-iedsulid. A-e-nug odummomar. Ar e-sabguedi, degisadeguad.

²⁴ Bab-Dummad, anmar-isdarmaladgi anmar-ollor-imaksad. A-e-nug odummomar. Ar e-sabguedi, degisadeguad.

²⁵ Bab-Dummad, bela ibmar-durganga mas-ukmaid. A-e-nug odummomar. Ar e-sabguedi, degisadeguad.

²⁶ ¡Bab-Dummad-Nibneggi-Maid-e-nug odummomar! Ar e-sabguedi, degisadeguad.