Salmo 130 - Kuna San Blas

Bab-Jehová Israel-dulemar-bendaknonikoed

We-namaked, Jerusalénʼse-nakwe-nadapir, namakleged.

¹ Bab-Jehováʼye, an bese wilesagwar goled. Ulubgi nunmaked-dummad-itonaidgi an bese goled.

² Bab-Jehováʼye, be an-itoge, an-sabsuli-gornaid wis be itoge, ise-wilesagwar an bese gornaid.

³ Bab-Jehová, be dule-e-isguedgi atakdele, ¿doa be-asabin sogosunna, an isgudisurye?

⁴ Ar bedi isgussuliyob dule-daknonidaed, degisoggu, dobekwaa be-asabinni nanamalargebed.

⁵ Bab-Jehová an-bendakega an edarbed, an-gwagegi an Bab-Jehová edarbed. Bab-Jehová-ibmar-imakoye-sogsadgi an bensulid.

⁶ An Bab-Jehová edarbed. Igi dule-mutik-nakuleged neg-ibgued-edarbesidae, aba bur bule an Bab-Jehová edarbed.

⁷ Deyobi, Israel-dulemar, Bab-Jehová be edarbemala. Ar bela-bela Bab-Jehová anmar-sabgumaid, bela isguedgi emar-ollor-imakbalid.

⁸ Bab-Dummad-sunnagwad isguedgi Israel-dulemar-ollor-imaknonikoed.