Salmo 13 - Kuna San Blas

Bab-Dummadga wilesakwaa namaked

David we-namaked narmaksad. Namakmalad-e-iduedga soglenaid.

¹ Bab-Jehováʼye, ¿sana be angi wis binsanonikoe? ¿Sana be anse wis wagar oyononikoe?

² ¿Sana an bane-bane-surbinsa-itodiid anga berguoe? ¿Sana an ulubgi-nunmak-itodiid anga berguoe? ¿Sanadse an-isdarad angi obindii guoe?

³ Bab-Jehováʼye, be an-Bab-Dummadid, wis be an-dake, wis be an-abin-imake, be anga niga-ogannoge. Deyob be imakele, an bar burgosulid.

⁴ An-isdarad angi weligwar-itogosulid. Weyob sogosulid: “Anse galakusye.”

⁵ Ar andi, be-sabgued-dummarba-nikadgi bensulid. Be-an-abonogedgi an weligwar itoged.

⁶ Bab-Jehováʼye, an bega namaked, Be nued-angi-binsamaidba, an bega namaked.