Salmo 128 - Kuna San Blas

Bab-Jehová-dobee-nanadimaladgi nued-binsalesad

We-namaked, Jerusalénʼse-nakwe-nadapir, namakleged.

¹ Dule-Bab-Jehová-dobee-nanadimalad, we-dulegi nued binsalesad. Bab-Dummad-igarba-nanadimalad, we-dulegi nued binsalesad.

² Be-arbadiidgi na be mas gunnoed, dule-weligwaledga be guoed, nueganbi bega igarmar naoed.

³ Be-neguyagi, be-ome, uva-dub-san-nikuedyobi guoed. Olivo-sapi-e-muugan, e-saila-ebilideyobi, be-mimmigan be-mese-ebilidmogoed.

⁴ Weyob, dule-Bab-Jehová-dobee-nanadiidgi ise-nued binsalegoed.

⁵ Bab-Jehová, Sión-yar-akale, begi ise-nued-binsasun. Be dula-gudiidgi, bane-bane Jerusalén-nasgumaid-dakdii be gusun.

⁶ Be-wagan-dakedse be dula-gudii gusun. ¡Israel-yargi neg-bogidikid nagusun!