Salmo 124 - Kuna San Blas

E-isdarmaladgi-ollorgusadba, Bab-Dummad-nug ogannoged

We-namaked, Jerusalénʼse-nakwe-nadapir-namakleged. David narmaksad.

¹ Israel-dulemar, be sogmar, Bab-Jehová anmar-bendaksasulina, igi anmar guoendibe.

² Bab-Jehová anmar-bendaksasulina, bela dulemar, anmargi gwichigudmargu,

³ anmargi uludgu, dula anmar-dosanad.

⁴ Diwar-noeyobi anmar ese berguoenad, dii-nollosuliyob anmargi nasoenad.

⁵ Degisoggu, dii-nollosurmaladyobi anmar-sedoenad.

⁶ Bab-Jehová-nug odummomarsun, we-dule-isganamarse berguega anmar-imaksasulid.

⁷ Nuuyobi, anmar wakichamalad. Dule nuu-gaega-galu-sobmaladyobidgi, anmar wakichamalad. E-galu-ayarmaksa-siiyobidgi, anmar wakichamalad.

⁸ Bab-Jehová-napneg-obinnisadid-nuggi, Bab-Dummad-nibneg-obinnisadid-nuggi, anmar-bendakleged danikid.