Salmo 122 - Kuna San Blas

Jerusalén-neggwebur-bogidik-sigega, Bab-Dummadse gorlenaid

We-namaked, Jerusalénʼse-nakwe-nadapir, namakleged.

¹ Dule anga sogdemalale: “¡Bab-Jehová-e-negse anmar namarye!” An weligwar-itoddaed.

² Jerusalén-neggwebur, be-neg-e-yawagak-asabin bato anmar gwichid.

³ Jerusalén neggwebur-gandikidid, be-soblesadi, nuekwaa soblesad. Begi nabir ambikumalaga be soblesad.

⁴ Jerusalén-neggwebursega dadgan-warambe-gakabogwad-e-wagan (12) Bab-Jehová-e-nug-odummogegala, ese nakwemai damalad. Igi Bab-Jehová Israel-dulemarga igar-uksagusa, deyobi, gunonikid.

⁵ Jerusalén-neggweburgine igar-naboged-e-ganmar siid, agi David-e-wagan-igar-naboged-e-ganmar siid.

⁶ Jerusalén-neggweburga anmar neg-bogidikid ega egise. Be-sabgudimaladga ibmar nasgumaigusun.

⁷ Be-galu-matusulidga, neg-bogidik nagusun. Be-neg-dummagan-bukwadga, neg-bogidik nagusun.

⁸ An-gwenadgan-sabed-nuggi, an-aimar-sabed-nuggi, an soged: “¡Neg bogidikid bega gusun!”

⁹ Anmar-Bab-Dummad-Jehová-e-neg-sabedba, bega nueganbi-ibmar-guega an imakoed.