Salmo 114 - Kuna San Blas

Egipto-yargi ibmar-gegerdaklemalad-oyolesad

¹ Israel-dulemar Egipto-yargi nosmargua, Judá-yar Babse-goled-negga gunonikid.

² Jacob-wagan dule-baigan-yargi-bukwa nosmargua, Israel-yar-naid bela Bab-Dummadgadga gunonikid.

³ Demar-naid Israel-dulemar-dakdegua, Israel-dulemar-abin argaded. Jordán-diwar-ariomaid e-abin gales megisad, bar aryossulid.

⁴ Sibad-wawaad-macheredyob yar-dummagan ichomakded, sibad-wawaad-mimmiganyob yar-senigana ichomakdemalad.

⁵ Demar, ¿ibiga be argade? Jordán-diwar, ¿ibiga be gales-megismoga?

⁶ Bemar yar-bukwamaladi, ¿ibiga bemar sibad-wawaad-macheredyob ichomakdemala? Bemar yar-senigana, ¿ibiga bemar sibad-wawaad-mimmiganyob ichomakdemarmoga?

⁷ Napneg-naid, Bab-Jehová-asabin be giglimake, Jacob-e-Bab-Dummad-asabin be giglimake.

⁸ Ar Bab-Jehová akwasaila dii-siedga imaksad, akwasailagi dii-aryomai imaksad.